Llamado Tayo Dec 1-15, 2008

Rey b art681
For dec 15

Manwal ng Mana 2
Kamana nabasa ko na naghahanda kayo ng kasunod sa Manwal ng Mana sa Makabagong Pamamaraan ng Pagpili at Pagkundisyon. At ito ay ang Manwal ng Mana sa Praktikal na Pagpapalahi. Sana po kasing ganda ng nauna at kasing puno ng kaalaman ang manwal no. 2 natin. Tanong ko lang po kamana. Sa pagpapalahi ba ay kailangan talaga ang kaalaman sa genetics? Wala kasi akong gaanong alam dyan kamana pero nagsimula na akong magpalahi. At ano ang ibig mong sabihin sa praktikal na pagpalahi? ( GHT 1-0046)
Si Engr. Greg Tojong pala ito. Long time no hear kamanang Greg. Kumusta na dyan sa Surigao? O nasa Maynila ka ngayon?
Oo kamana. Makakatulong talaga ang kaalaman sa genetics. Ngunit hindi kailangan na ma-master natin ang genetics para tayo makapagpalahi. Nandyan na man po ang mga katulad nina Dr. Andrew Bunan na mga dalubhasa sa genetics na tutulong sa atin. Sa atin sa Mana nandyan si Dra Nieva Arieta. Pinamamahagi naman nila, sa pamamaraan na maunawaan natin, ang kanilang kaalaman.
Basic lang kamana ang kailangan para naman medyo masiyahan tayo sa ating ginagawa. Paano tayo makapag-enjoy sa isang bagay na mangmang tayo. Pag may kunti tayong kaalaman maari tayong mag set ng goals, at malalaman natin kung nagtagumpay ba tayo.
Maaring ang layunin natin ay mga simpleng bagay lang. Tulad halimbawa, ng pagpalabas ng straight comb na linyada o strain galing sa magkaparehang peacomb na mga magulang. O kaya’y mga kumplikadong bagay tulad ng pagpalabas ng power at speed, flight ang shuffle sa ground. Magkasalungat ang mga katangiang ito ngunit maaring maipalabas sa isang linyada.
Parang ganyan na rin kamana ang ibig nating sabihin sa praktikal na pagpapalahi. Kaalaman na tama lang sa ating pangangailangan sa pagpalahi ng manok pang sabong.

May bago na naman tayong kamana na isang professional na naghahanapbuhay sa sabungan. Isang kilalang sentensyador ng San Juan Coliseum si kamanang Junior Bonifacio. Welcome to Mana kamanang Junior.
Kayong mga sentensyador, kasador, mananari, handlers, kristos at iba pang nagpapatakbo ng sabungan ang puso at dugo ng sabong. Kung wala kayo ano kaya ang mangyayari sa sabong.










Rey b art680
For dec 14 sun

Mitsa ng Mana
Dec 2006 po mga kamana ng tayo ay nagsimulang nagsulat sa Tumbok. Ang unang pitak natin sa Llamado Tayo ay ini-mail ko kay editor Ronnie Briones Dec 19, 2006. Ang pagsulat po natin sa pahayagang ito ay ang naging mitsa kung bakit natatag natin ang kilusang Masang Nagmamanok o Mana.
Dahil po dito ang Dec 20 ang tinuturing nating Araw ng Mana. Sa darating na mga araw ay babalikan natin ang mga pangyayari at iilan sa mga nakaraang pitak natin na naging makabuluhan sa Mana.
Mga kamana, magpasalamat tayo sa Tumbok. At salamat din po sa inyong walang sawang pagsuporta sa pahayagang ito. Ang tumbok ang pahayagan ng masang sabungero at mga karerista.
Talagang napakalaki ng naitulong ng Tumbok sa ating pagkakaisa. Kung ang Mana ay magtatagumpay sa ating mga layunin, ito’y dahil, at utang natin, sa Tumbok.

Kamana gud am. Di ako makapaniwala na makakapasyal sa aming lugar dito sa Pangasinan si kamanang Marlon. Kabarangay kasi namin ang RCF farm ni Mr. Richard Espanol dito sa barangay Dolaoan, Anda, Pangasinan. Thank kay kamanang Marlon, lalo na sayo kamana. Mabuhay po kayo. (Edmund 4-0012)
Si Kamanang Edmund Cativo po itong nag-text, mga kamana. Kamanang Edmund taga Dolaoan, Anda ka pala. Address mo kasi dito sa records natin ay Caloocan.
Oo, nandyan si kamanang Marlon, bahagi yan ng hands-on-at farm training at technology transfer program ng RB Sugbo Gamefowl Technology, at ngayon ng Mana na rin. Si kamanang Marlon ang namamahala sa pratical technology transfer ng Mana. Mga kamana natin na gustong magpatulong sa gamefowl management ng farm nila ay pwedeng mag-request kay kamanang Marlon at pupuntahan nya kayo.
Dyan sa inyo kamana parang two weeks ata ang stay ni kamanang Marlon. Pero panay ang text sakin na parang mawiwili daw siya dahil ang sarap daw ng mga seafoods dyan. Pagbalik nya ng Manila tiyak bad weight na. Take ka lang ng promotor kamanang Marlon, para mawala ang sapola.
Kami ang dapat magpasalamat sa inyo mga taga Doaoan, kamanang Edmund, dahil sa inyong mainit na pagtanggap kay kamanang Marlon, at kung tutuusin pati na sa Mana.

Kamana gud pm. Ano pong magandang gamiting feeds para mabilis matunaw ang sapola ng inahin at magandang feeds for breeders?I-text ko po sayo ang gusto kong gawin, sabihin nyo po kung tama ba. Thank you po. Kumakain po kami ngayon ng kalahating talaba.
Ang text naman na ito na pumasok matapos natin masagot ang text ni kamanang Edmund ay galing kay kamanang Marlon Mabingnay, ang Marlon na tinutukoy ni kamanang Edmund.
Timing ang text mo kamanang Marlon. Ibigay mo na lang yang promotor sa mga inahin.
Ganito kamana, simple lang yan. Makakatulong ang promotor pero kailangan din ng adjustments sa balanse ng enerhiya.
Tama yang gagawin mo. Ang sapola ay taba. Ito’y resulta ng mas mataas na energy input kaysa output. Samakatuwid maaring bawasan natin ang pakain o ang enerhiya sa pakain o kaya’y dagdagan ang ehersisyo. Pwede ring pareho nating gawin ang dalawa.
Sa pakain ng breeders i-text mo si kamanang Jun Santos. Yong mixture na gagamitin natin sa dispersal farm natin sa Teresa ang gayahin mo. Parang 40% Derby Ace layer pellets, 40% Bmeg layer crumblesm, yan kung gusto mong wet feeding. Kung dry feeding sa halip na layer crumbles ang pigeon pellets ng Bmeg ang ihalo mo. Yong 20% sanay concentrate. Pero habang may sapola pa ang mga inahin, jockey oats o kaya’y trigo lang ang grains na ihalo. Mataas ang fiber ng jockey oats.
Ang fiber ay makakatulong sa pagbawas ng taba.
At sa damohan ilagay ang mga breeding pens. Kung fixed ang pens at walang damo bigyan ng gulay o kahit damo lang. Mamutol ka ng damo sa labas at ihagis sa loob ng pens. Mag aagawan ang mga inahin at bukod sa fiber na makuha nila madadagdagan pa ang kanilang ehersisyo.





























rey b art679
for dec 13 sat

Mga kamana, mag tune-in po tayo ngayon alas 8 ng umaga sa DZSR Sports Radio 918hz. Guest po sa programa ni Mr Edwin Sese ang ating kamanang si Dan Baltazar. Inaasahan na may mga balita siya para sa atin na hindi pa natin alam sa pagsulat natin sa pitak na ito.
Magsanaysanay na tayong makinig sa oras na ito bawat sabado dahil ito rin ang oras na kukunin natin para sa ating programa simula sunod na Sabado, December 20.
Habang sinusulat natin ang pitak na ito may mga developments po tayong inaasahan tungkol sa ating mga proyekto tulad ng pasabong natin sa Pasay Cockpit buwanbuwan simula Enero, ang ating gamefowl dispersal program at maging ang ating programa sa Sports Radio.
Ang ikabalita ko lang sa inyo sa ngayon ay na ang B-meg po ay tutulong sa ating dispersal program. Yan ang ibinalita ni kamanang Jun Santos sa pagsusulat natin sa pitak na ito. Si kamanang Jun na isa sa mga prime movers ng Mana ay konektado din sa B-meg bilang distributor sales representative sa Metro Manila.
Siya din ang mamamahala sa ating dispersal farm sa Teresa, Rizal. Ang lugar po na ito ay ipinapagamit sa atin kamanang Col Tito Corpuz, isang tunay na sabungero.
Dito sa farm na ito tayo magpapalahi upang makapagpalabas ng mga breeding materials na siyang ipamahagi natin sa mga qualified na members at chapters. Magpapalabas po ng guidelines sila kamanang Jun sa mekanismo ng ating dispersal program. Antayin na lang natin, pati na ang mga karagdagang detalye sa programang ito.
Samamantalang ang ating pasabong sa Pasay ay bawat ikatlong Miyerkules ng buwan. Samakatuwid ang una nating pasabong ay sa Jan 21. Ang tawag po natin sa pasabong na ito ay Mana Kill-Quick Series.
One-cock fastest kill ulutan po ito. Ngunit may special prize po tayo para sa tatanghaling Kill-Quick Fighter of the Month. Pagkatapos ng taon ay may tatanghalin ding Mana Kill-Quick Fighter of the Year.
Ang Kill-Quick fighter of the month ay ang maka score ng pinakamabilis na total time sa tatlong straight na panalo sa isang araw ng pasabong at ang total time ay hindi aabot ng two minutes.
Ang gantimpala ay P 20,000 at may Ring of Excellence ( Singsing ng Kagalingan) worth 10,000 Kung sobra sa isa ang maka tatlong straight na panalo
na ang total time ay di umabot ng 2 minuto, lahat silay maghatihati sa cash prize. Ngunit ang singsing ay mapupunta sa may pinaka-mabilis na total time ng tatlong panalo. Siya
Ang tatanghaling Mana Kill-Quick Fighter of the Month.
Kung walang manalo sa buwan na ito, ang kill-quick award sa susunod na buwan ay P40,000 na. Kung hindi pa rin makukuha sa susunod na buwan ang premyo ay P60,000 na. Ang ano mang halaga para sa Kill Quick Fighter of the Month
na hindi makukuha ay idadagdag sa P20,000 na para sa naturang buwan.
Ang regular na premyo po ng ating pasabong ay ang sumusunod: 1st fastest kill ay P15,000;
2nd,10,000; 3rd ,5,000; 4th, 5,000; 5th, 30,000
Ang gantimpala sa slowest kill ay P10,000.
May premyo naman na P5,000 sa maka- fastest kill sa bawat sampung sultada, mula unang sultada hanggang sultada number 50. Mula sultada no 51 hanggang 70 ang P5,000 sa maka-fastest kill ay sa bawat limang sultada na.
Lahat-lahat P150,000 ang premyo sa bawat pasabong natin. P1,100 ang entry fee at P2,200 ang minimum bet.
Sa Dec 24 nga pala ay pa-fastest kill ni Mang Roming Vergara sa Pasay. Siya po ang pit manager ng Pasay Cockpit at siya rin ang nagbigay pagkakataon sa Mana nga makaroon ng mga pasabong sa sabungan nila.
Baka may iilan sa atin na naka-schedule maglaban sa Dec 24 pang-noche buena. Kundi masyadong abala para sa atin baka pwede doon na tayo maglaban sa Pasay.
Happy holidays po dyan sa inyo at mga kasamahan kamanang Roming.
Binabati po rin natin si kamanang Jimmy Centeno, bago nating coordinator. Sa Pateros po, mga kamana, ang base ni kamanang Jimmy. Ikinagagalak natin ang pagsapi nya sa Mana. Isa na namang dagdag sa makakatulong sa atin.
Si kamanang Jimmy ay may karanasan na rin sa mga pasabong at derbies. At alam nya ang pangangailangan ng mga pangkaraniwang sabungerong tulad natin. Makakatulong si kamanang Jimmy sa ating mga pasabong at sa programa sa radyo.
Maraming salamat kamanang Jimmy.
Para po sa inyong katanungan, pangangailangan at mungkahi maari po ninyong kontakin ang sumusunod:
Tungkol sa ating buwanang pasabong sa Pasay cockpit,Anthony Espinosa, 0906-238-8363. Maghandahanda na po tayo ng mga manok para sa una nating pasabong Jan 21.
Sa ating dispersal program, Jun Santos, 0921-416-4359. Ang mag-aaral po sa mga benefits and welfare of members ay si kamanang, Bong Ferreras 0921-332-2231.
Si Army Celis 0928-505-7345 ang mamahala sa ating training, seminars at iba pang activities ng Mana. Napakamahalagang bagay po ito para sa ating pagpamahagi ng kaalaman sa pagmamanok.
For general information about Mana, si Dan Baltazar, 0910-485-2134 ang makasasagot. Sa ating partical gamefowl technology transfer naman ang in-charge ay si Marlon Mabingnay –0929-723-3573.















Rey b art678
For dec 12 friday
Hulihin ang kriminal,
huwag gawing krimen ang sabong
Kamanang RB bakit di mo gawing Mana manual-2 ang feeding program series sa Tumbok? Easy kasi itago ang manwal kaysa clippings. ( ASP 001008)
Kamanang ASP, Amador Paulite ng Cavite, isa sa mga naunang naging kasapi ng Mana.
Oo kamana. May inihanda tayo na Manwal ng Mana sa Praktikal na Pagpapalahi. Kasali po ang feeding program mula pagpisa hanggang maintenance. Batay kasi sa ating pilosopiya mas maige na una nating matutunan ang paglalaban bago ang pagpapalahi kaya una natin sa ipinalabas ang Manwal ng Mana sa Makabagong Pamamaraan sa Pagpili at Pagkundisyon.
Hindi natin malalaman kung anong uri ng manok ang ipalabas natin sa ating pagpapalahi kundi natin alam anong klase ng manok ang nagpapanalo. Sa paglalaban natin ito unang matutunan.
Payo po natin sa mga nais magpapalahi ay ang matoto muna sa aspeto ng pagpili at paglalaban. Kahit yong nakapagsimula na sa pagpapalahi at palagay natin ay kulang pa ang ating kaalaman sa pagpili, mag-aral po tayo.
Kahit ang mga batikang nagpapalahi ay dapat naglalaban para masubukan ang competitiveness ng kanilang palahi sa bawat taon. Kundi, baka mapaglipasan sila ng panahon.

Gud day Mana. Ask ko lang kung saan kukuha ng license sa pagtari. (06:55:45 Dec 1 2008)
Ang pagkakaalam ko walang general license sa pagtatari. May mga local government units na nag-require ng permit. Kung nais natin ang maging professional na mananari sa sabungan tayo humingi ng permiso upang maging isa sa tinatawag na commercial mananari sa naturang sabungan.
Siguro dapat na ngang ma-professionalize ang mga mananari, pati na ang mga sentensyador at mga manggagamot sa sabungan. Kung di ako nagkakamali isa yan sa mga layunin ng National Gamefowl Training Center. Nais ng NGTC na isanay at gawing professional ang mga mangagawa sa sabungan pamamagitan ng pagbigay ng lisensya.
Ang problema ay walang klaro kung anong governing body ang makapagbigay ng lisensya. Noong araw may Philippine Gamefowl Commission na namamahala sa sabong sa Pilipinas. Ngunit natatandaan ko may ilang taon na ang nakaraan, nang tayo’y nagtratrabaho pa sa kongreso, na may panukala na ang tungkulin, kapangyarihan at gawain ng Philippine Gamefowl Commission ay ilipat sa Games and Amusement Board.
Hindi na natin nasundan kung anong nangyari sa panukalang iyon, ngunit ano man ang nangyari don, ay tiyak na na-repealed o naiba nang ipasa ang Local Government Code. Nasa local government code kasi na ang kapangyarihan sa pagpamahala sa sabong sa kanikanilang hurisdiksyon o teritoryo ay nasa pamahalaang lokal ng munisipyo o lungsod.
Kaya ang nangyayari ngayon patuloy ang matagal nang nakasanayan na ang mananari, sentensyador, manggagamot at iba pa, ay walang lisensya at walang nagpapatupad ng mga regulasyon maliban sa management ng sabungan. Kaya hindi pantay o pareho ang patakaran.
Ang nangyayari ay ang makapangyarihan ay ang publikong sabungero pa rin. People’s power ika nga. Kung ang isang mananari o manggagamot ay marami nang pagkakamali, wala nang magpatari o magpagamot ng manok sa kanya. Kung ang isang sentensyador ay di nagustuhan ng publiko maaring mag aksyon ang management, Kundi ay hindi na dadayuhin ng publiko ang kanyang sabungan.
Ito din ang kinakatakutan ng mga elemento na gumagawa ng masama sa sabungan. Pagnahuli lagot sila sa tao. Linawin natin ito mga kamana. Ang mga taong gumagawa ng masama sa sabungan ay hindi totoong mga sabungero kundi mga kriminal na gustong magsamantala sa sabong.
At aminin natin hindi lahat nang nasa sabungan ay mabuting tao. May mga hold-uppers, carnappers, kidnappers at sino-sino pang handang pumatay at magpakamatay para sa pera, ngunit kung nasa sabungan nagbabayad kung matalo. Sila’y sabungero.
Aminin natin na may mga sabungero na masasamang tao sa labas ng sabungan, ngunit hindi ito sapat na sabihin natin na ang sabong ay masama. Kahit sa simbahan may mga masasamang taong pumapasok. Kahit nga sa mga pari, may masasama rin. Ngunit dahil dito ay masasabi na ba nating masama ang pagsimba?
Sana’y maunawaan ito ng mga anti-sabong na alam natin nagmamasid sa atin. Palagi nilang ginagamit na katwiran sa pagpatigil ng sabong sa ibang bansa tulad ng Amerika at Mexico. Sabi nila ang sabungan daw ay pugad ng mga druglords.
Eh kung may iilang druglords na pumapasok sa sabungan, gawin nilang labag sa batas ang pagsasabong? Ang gawin nila, kung may ebidensya, hulihin nila ang kriminal wag gawing krimin ang pagsasabong.






















Rey b art677
For dec 11 (thurs)


Feeding program: Conclusion
Sa nakaraang isang linggo nilathala natin dito ang serye ng ating feeding program mula day 1 hanggang harvest. Ito ang pang-huli sa serye o ang Konklusyon.
Kung napansin nyo ang dalawang pagkaiba ng ating programa sa mga programa ng mga kunpaniya ng pakain at gamot pang manok ay una ang paggamit natin ng mga sangkap na mas mura. Ito ay upang makatipid. Halimbawa sa halip na puro chick booster at starter hinahaluan natin ng bsc. Sa halip na puro stag developer ginagamitan natin ng pigeon pellets o maintenance micro pellets.
Pangalawa ay ang ating pag-incorporate ng organic at probiotic sa ating sistema.
Ito ay dahil malaya po tayong makapagsabi kung ano ang ating gusto. Samantalang ang mga kompaniya ay napipilitan silang irekumenda ang kanilang mga produkto. Pero sa kabuhuan, ay halos magka-parehas lang po ang ating programa at ng iba’t-ibang kumpaniya.
Ang mga programa ng mga kompaniya ay naakaiba lang sa brand names ng mga pakain at gamot na ginagamit. Sa generic names ay halos parehas lang. Ang atin naman maaring kahit alin sa mga brand names ang ating magustuhan dahil wala naman tayong koneksyon at pinapanigan.
Ang RB Sugbo ay walang sponsor. Sa mga pagkakataon naman na ang ating kilusan, ang Masang Nagmamanok o Mana ay may proyekto na may sponsor, pinararating naman din natin sa lahat ang mensahe na gusto iparating ng sponsor.
May isa pa tayong konsiderasyon, ang makatipid. Datapwat, siguro may kaibahan talaga ang mamahaling pakain sa ordinaryo, ngunit kung hindi naman kalakihan ang deperensya, bakit pa tayo gagasta ng malaki. Hindi na maging kasiyasiya ang sabong kung ito ay pabigat na sa bulsa. Pero kung kaya ng bulsa okey lang.
Mayroon ngan’g mga client at partner farms ang RB Sugbo na may kaya at ang renerekomenda natin na protein expander ay ang Mega Legend na napakamainam para sa manok ngunit may kamahalan talaga. Pero para sa ating mga pangkaraniwang sabungero, may mga pangkaraniwang protein expander din.
In cockfighting, like water, we seek our own level.
Kaya may magandang balita tayo sa ating mga kamana na gustong magtipid. Ang B-meg ay nagpalabas ng bagong line ng feeds para sa sisiw, stags at maintenance. Ibig sabihin, chick booster, stag developer at maintenance pellets. Ito ang mga pakain sa mga yugto sa buhay ng manok na katatalakay lang natin sa seryeng ito.
Ang high end line ng B-meg ay ang Derby Ace. Ngayon ay may Integra series na sila. Mas tipid ito, at siguro maganda naman ang quality. Di pa natin nasubukan. Susubukan natin sa RB Sugbo at nang makapamalita tayo kung ano ang resulta. Pero at least, mura ito, pero hindi naman siguro mumurahin. Kasi gawang San Miguel. At, batay sa karanasan natin sa pigeon pellets ng B-meg, malaki ang paniniwala nating ayos din itong Integra series nila.
Ang Thunderbird ay may ganitong lines ng feeds na pang-ekomomiya, ang GMP, na malimit nating napaguusapan. Nawa’y ang iba ay magpalabas din nang may mapag-pilian tayo.
Ang RB Sugbo ay patuloy na mananaliksik at mag-aaral kung anong mga maiigeng pakain at sistema sa pagmamanok. Patuloy po nating hinahabol ang kaalaman sa pagmamanok upang maipamahagi naman natin sa kapwa nating masang nagmamanok na walang sapat na panahon na gumawa ng sariling pag-aaral.
Isa pa sa ating layunin ang maka-hanap ng pamamaraan na di masyadong magastos para sa atin ang pagmamanok. Affordability is relative. Ibig po nating sabihin na ano ang kaya ng isa ay maaring di kaya ng iba. Kaya naghahanap po tayo ng mga sistema na kakayaning tustusan ng mga pangkaraniwang sabungero na nais ring magtagumpay sa kanilang sariling lebel ng paglalaban.
Oo sariling lebel ng paglalaban. Ang manok ni Patrick Antonio ay mga manok naman nina Sonny Lagon, Jerry Ramos, at iba pang malalaki at mayayamang sabungero ang makakalaban. Ang manong ni Pedro ay ang kay Juan ang makakalaban. Yan ang ganda ng sabong.
Sa nakaraang isang linggo ay tinalakay natin dito ang sistema natin sa pagpakain ng manok pangsabong mula unang araw hanggang maintenance period. Sana’t nasundan nyo. At, sana’y makatulong sa inyo.
Manatili lang po tayong nakatutok dito sa Tumbok at napakaraming balita, kaalaman at pangyayari tungkol sa sabong ang matutunghayan natin.
Para sa karagdagang impormasyon ang Mana ay may blog sa internet, ang tilaok.blogspot.com. Mayroon din po tayong Manwal ng Mana sa Makabagong Pamamaraan sa Pagpili at Pagkundiyon.

























Rey b art676
For Dec 10 (wed)

Unang Mana pasabong sa Pasay Jan 21
Pinagbibigay alam po ni kamanang Anthony Espinosa na nakapagpasya na si Mang Roming Vergara, pit manager ng Pasay cockpit, na ang buwanang pasabong ng Mana sa naturang sabungan ay tuwing pangatlong Miyerkules ng bawat buwan simula Enero.
Samakatuwid ang una nating pasabong ay sa Enero 21, 2008. One-cock fastest kill ulutan po ang labanan.
Bukod sa regular na guaranteed prize na P100 thousand na paghatihatian ng sampung mga fastest kill winners, may mga karagdagang mga premyo pa. May mga benepisyo din na mapupunta sa mga miembro ng Mana.
Tulad ng nakasanayan sa linggohang fastest kill ulutan sa Pasay tuwing Miyerkules, mananatiling P1,100 ang entry fee at P2,200 ang minimum bet sa ating mga pasabong. Abangan lang natin dito ang mga karagdagan pang mga detalye.
Hinihikayat po natin ang ating mga coordinators at prime movers ng Mana na maghanda at humikayat din sa kanilang mga miembro at mangumbida ng mga kaibigan na maglaban sa ating pasabong.
Kung maari mga kamanang coordinators at prime movers mag text kayo sa atin kung ano mga balak nyong gawin kaugnay dito upang mapagaralan din natin at baka may maitutulong tayo. Kung may maliliit na problema mas madaling malutas kung pagtulongtulongan.

Good pm po kamanang Rey. Si kamanang Mhon Dayao po eto (001107) tanong lang po me kung magkano minimum bet sa pasabong ng Mana. At pwede po bang makabili ng tari dyan sa inyo sa Cebu para po siya naming gamitin sa pag entry namin. Pati na po yong bagong sapin na leather. (MD 001107)

Si kamanang Mhon ay ang coordinator natin na nakabase sa Signal, Taguig. Isa sa pinakamalaki at aktibong chapters ng Mana. Salamat kamana sa inyong balak na pagsuporta. Nasa itaas na kamana ang sagot sa tanong mo. P2,200 ang minimum bet.
Hinggil naman sa tari na gawang Cebu, tutulungan ko kayong makahanap ng first class na makamura tayo. Yong leather boots walang problema ipagawa kita ng libre.
Talagang tutuhanan itong sa inyo kamanang Mhon, pati tari nyo ay made to order pa. Pero kahit di kayo magpagawa o yong mga kamana natin na walang tari o mananari, ang alam ko may kinausap si kamanang Anthony na mga mananari at manggagamot na magbibigay ng malaking discount sa mga kamana natin na maglalaban sa ating mga pasabong.
Pero maganda yang pinaghandaan nyo ng maige kamana. Siguro imungkahi ko kay kamanang Anthony at kamanang Jun Santos na siyang namamahala ng ating dispersal program na pagaralan ang posibilidad na maka-pagbigay tayo ng gantimpalang mga trio at breeding materials galing sa ating dispersal program sa mga deserving chapters na aktibong naglalaban. Para ang mga chapters na mananalo ay magkaroon ng kanilang sariling dispersal program.
O kaya’y galing sa mga tanyag na breeders para mas ganado ang ating mga chapters na lumahok.

Kamana totoo bang may mga magaling sa ulutan na magiging mukhang maliit ang manok kapag hawakhawak nila at inuulot? ( OJT T-10022)
Totoo kamana. Kaya kung gusto nating matantya ang tamang laki ng makakalaban dapat ipalapag mo sa lupa at pabitawan sandali. Tapos ikahig. Dito mo makikita ang laki at tangkad ng manok.
Kapag binitawan ang manok matantya mo ang lapad ng balikat pamamagitan sa pagtingin sa lapad ng distansya ng magkabilang pakpak. Ngunit kong hawakhawak ng magaling na mang-uulot, maari maging mistula itong maliit dahil ng paghawak na kung pagmasdan makitid ang distansya ng magkabilang pakpak.
Ang totoo pala hindi ang distansya ng pakpak ang makitid kundi ang layo ng mga kamay at mga daliri ng handler.

Feeding program part 7
6 months up
Ito na ngayon ang growing maintenance stage. Tumutubo pa ang mga bagong huling stags kaya growing maintence stage ang tawag natin dito.
Pagkahuli, pinupurga, liniligo ng anti-mite at bina-bacterial flushing natin ang mga ito. Tapos dinadaan natin sa tinatawag na hardening process. Patuloy nating sinasamahan ng pullet uapng mas mapatingkad ang tapang nito. Sinasanay natin sa tali at inuumpisahang ikahig, sampi at bitaw.
Dito rin sa yugtong ito natin pinupungasan ng palong ang mga stags. Maliban lang kung ang palong ay sagabal na sa mata, tandaan po natin mga kamana na, di muna natin pungasan ang stag kung di pa ito lumalaban ng husto at higpit na ang tapang.
Ang pakain natin dito ay concentrate at pigeon pellets o grower maintenance micro pellets na lang. 50- 60% ang pellets at 50-40% ang grains. Depende ito sa pangangatawan ng mga stags.
Ang halo natin sa tubig ay MVE na lang at pro-biotic at paminsanminsan na lang. Mga twice a week na lang. Di na tayo nagbibigay ng anti-biotic kung walang sakit.
Medyo kampante na tayo sa panahong ito na mabubuhay na ang mga stags. Ito ang tinatawag na post harvest stage. Kung sa taniman pa, pera na.
Bukas ang huling labas ng ating serye sa feeding program natin.







Rey b art675
For dec 9 (tues)

Tama na CP sa pakain
Kahapon pinalabas po natin dito ang lista ng mga coordinators ng Mana sa Metro Manila at karatig na mga probinsiya. May nakaligtaan tayo. Si Kamanang Franklyn C. Cubacub, coordinator natin sa Taysan, Batangas, 0916-570-0326. Sori kamanang Franklyn.
Pagsamantalahin ko na lang rin ang pagbati ko sa iyong kaarawan ngayong darating na Biyernes. Hapi Birthday kamana Franklyn at paki-kumusta sa mga kamana natin na dadalo sa iyong salosalo. I-text nyo ako kung ano ang mapagusapan nyo hinggil sa Mana.
Kung handa na kayo magseminar tayo dyan sa Taysan. Di naman siguro maaring pagsabayin natin sa Nasugbo dahil magkalayo ang mga lugar nyo.

Good am sir Rey. Yong mix po ba natin doon sa manual na grains at pellets ok lang po ba na yon narin ang pakain ko sa maintenance. Hindi po ba makakasira sa manok? May nagsabi po kasi sa akin na isang kaibigan na masyado daw po mataas ang protina. Baka daw po mag muscle bound. Sana po masagot nyo . Salamat po. ( RB 3-0003)
Kamanang Raymond, yong mixture natin na nakalagay sa Manwal ng Mana sa Makabagong Pamamaraan ng Pagpili at Pagkundisyon ay maari ring gamitin sa maintenance. Huwag matakot tama lang ang crude protein contents ng mga mix natin kamana. Nagkamali lang siguro sa pag-compute ang kaibigan mo.
Ang formula sa ating foundation stage ay nasa 17% - 18% protein lang Samantalang ang sa ating battle ready-stage ay nasa 16% lang ang CP. Isa lang sa ating pellet mix ang high protein o conditioning pellets. Dalawa doon ay pang-maintenance at 18% lang ang taglay na protein.
Ang nagtext pong ito ay si Raymond Butalid, tama ba kamana? Dalawa kasi silang kamanang Raymond na parehong RB ang initials. Ang isa ay si kamanang Raymund Bersabe, coordinator natin sa Taytay, Rizal ang isa ay si Ramond Butalid ng San Pedro, Laguna.
Pareho pong aktibo ang dalawang ito sa ating kilusan, ang Masang Nagmamanok (Mana). Sanay patuloy ang inyong suporta mga kamana. Pasabong natin sa third week of January sa Pasay cockpit, sanay suportahan ng tropa nyo sa inyong lugar.
Bukas nga pala Miyerkules, fastest kill sa Pasay. Sino sa mga kamana natin ang maglalaban? Lagyan lang natin ng Mana ang ating entry para maipakita natin sa Pasay cockpit ang ating suporta sa kanila.
Sa nakaraang Miyerkules sina kamanang Jeff Urbi at Loreto Casalhay ang naglaban ng 4 na manok. Dalawa panalo, dalawa talo. Pero ang isa sa mga nanalo ay nakapremyo ng 3rd fastest kill, P 10,000.

Feeding program, part 6
2-3 months.
Sa simula ng pangatlong buwan, umpisa nating i-introduce, dahan dahan pa rin, ang stag developer, at pigeon pellets o kaya’y maintenance micro pellets. Dahan-dahan din nating hinahaluan ng ibang maliliit na grains. Maliban sa cracked corn, maaring bigyan natin ng wheat. Basta ang proportion ay 30% corn at wheat, 30% pigeon o maintenace micro pellets at 40% stag developer.
Ganoon pa rin ang halo natin sa tubig. Anti-biotic 3 days sa isang linggo at alternate ang MVE at pro-biotic sa nalabing 4 na araw sa isang linggo. Pagkatapos ng pakain sa hapon, plain water na lang.

3-6 months.
Sa panahong ito nasa pagalaan ang mga cockerels at young pullets ng RB Sugbo. Ang ating pakain ay 30% concentrate, 30% Pigeon pellets o maintenance micro pellets at 40% stag developer. Tatlong beses ang pagbigay natin ng pakain. Sa 7am 12 pm at 4 pm. Pinapalitan din natin ang tubig bawat pagpakain.
Halos ganoon pa rin ang ating gamot sa tubig. At pinupurga natin bawat 45 days. Samakatuwid dalawang beses sa loob ng tatlong buwang nasa free range ang mga manok.
Itutuloy bukas.































Rey b art674
For dec 8

Sapat na ang 7/8
Gud eve kamana nagchampion kami ngayon 3 cocks gamit ko ang conditioning mo sa Manwal ng Mana sa Makabagong Pamamaraan sa Pagpili at Pagkundisyon. (Ryan 1-0004)
Si kamanang Ryan Lim ito ng Zamboanga City. Noon Sabado ang text na ito, Dec 6. Kung sinunod mo ang Manwal kamana, samakatuwid gamit mo’y may mga produkto ng Excellence Poultry and Livestock Specialist. Birthday kasi ni Doc Ayong, ang mayari ng Excellence sa araw na yon. Nagkataon lang kamana.
Parang sunod-sunod ang mga magagandang performance ng mga kamana natin na nakabasa ng Manwal. Pagigihan pa natin kamana. Mas kasiyasiya ang sabong kung kuntento tayo sa resulta.

Kamana kung naipasawa ko na ang anak sa kanyang ama yong magiging anak nila ay ipaasawa ko uli bali ba puro na po ba yon sa bloodline ng ama? (08:13:44pm Dec 5, 2008)
Hindi pa matatawag na puro kamana pero 7/8 na sa dugo ng ama. Line breed sa ama at matindi na ang pagkainbred. May pagkakataon na makuha na nito ang magagandang katangian ng ama. May tsansa din na ang mga kapintasan ng ama ang mamamana.
Kalimitan kamana sapat na ang 7/8 upang makakuha ng semilya sa isang tatyaw. Kung maganda ang resulta ng 78 hindi na kailangan magantay pa tayo ng isa pang henerasyon upang gumawa ng 15/16. napakaliit na lang ng kaibahan ng 15/16 kung ihambing sa 7./8. Kung tutuusin 1/16 na lang sa porsyento ng dugo ng tatyaw ang kaibahan.
Kung pangit naman ang 7/8 ba’t pa tayo gagawa pa ng 15/16? At, baka mas lalo pang pumangit.
Kaya for practical purposes kamana sapat na ang 7/8. Pag pinatindi pa natin ang pag-linebreeding at pag-inbreeding mas malaki ang pagkakataon na magresulta sa inbreeding depression at masama na ang kalalabasan.


Feeding program part 5--1 to 2 months
Sa unang tatlong linggo ay ipagpatuloy natin ang pagbigay ng ating halo na 30% bsc, 30% corn at 40% jr starter o baby stag developer. Ika-4 na linggo ng pangalawang buwan ay dahan-dahan nating i-introduce ang stag developer, at pigeon o maintenance micro pellets. Sa atin sa RB Sugbo inihanda na natin ang mga ito para sa range o pagalaan.
Sa pangalawang buwan habang nasa pen sila, case-to-case ang ilaw natin. Kung gabi na umuulan o malamig iniilawan pa natin sila. Kung hindi, pinapatay na natin ang ilaw, lalo na simula sa pangatlong linggo ng ikalawang buwan.
Samakatuwid, kahit ad libitum ang pagbigay natin ng pakain, maaring hindi na 24 hours ang pagkain nila. Tandaan lang na sa panahong ito kahit ad-libitum pa rin ang pakain natin hindi ibig sabihin na hindi natin ipauubos muna ang pakain bago tayo maglagay.
Mas maige kasi na may panahon na ginugutom ng bahagaya ang mga sisiw para mag-galaw galaw ito at magiging aktibo, at maeehersisyo naman. Ang totong ad-libitum na pagpapakain ay para lang sa nga broilers. Ayaw kasi nating malikot ang mga broilers para mas madali itong tumaba at bumigat ang timbang.
Tandaan sa broilers ang mahalaga lang ay ang rate ng feed conversion into body weight. Sa gamefowl hindi timbang at laki ang pinakamahalaga kundi ang ehersisyo.
Sa panahong ito patuloy tao nagbibigay ng pro-biotic, MVE at anti-biotic na halo sa tubig. Ganoon pa rin ang sistema sa isang linggo 3 days anti-biotic, 4 days alternate ang probiotic at MVE.
Ang ating anti-biotic ay alternante din. Sa unang linggo ay sulfaquinoxaline, sa pangalawa, TMPS, pangatlo contramazine at sa ika-apat ay i-introduce natin ang mas matapangtapang na anti-biotic laban sa sipon tulad ng tiamulin at amoxycillin.
Ito ay dahil di magtagal ay nasa pagalaan na ang mga sisiw at mas matindi na ang pagka-expose nila sa kalikasan. Sa unang buwan na nasa lupa ang mga sisiw ang pinaka-delikadong sakit na dadapo ay ang coccidiosis. Sa susunod na mga buwan, lalo na pag inabutan na ng tagulan, sipon na naman ang dapat nating paghandaan.
Pinupurga natin ang mga sisiw sa pagtapos ng buwan na ito. Dahil sa loob ng isang buwan na nasa lupa sila maaring magkaroon ang mga ito ng bulate. Ulitin natin ang pagpurga bawat 45 days o kaya’y dalawang buwan.
Itutuloy bukas.



















rey b art 673
For dec 7
Isa na namang matagumpay na Bakbakan
Kahapon mga kamana nilathala natin dito ang mga pangalan at numero ng mga primemovers natin sa iba’t-ibang concerns ng Mana sa Metro Manila at ibang bahagi ng Luzon. Ngayon ang mga coordinators naman sa mga lugar na ito. Kung nais nyong sumapi sa Mana etext lang sa kanila ang inyong pangalan, lugar at hanapbuhay.
Mhon Dakay, Signal, Taguig 0927-442-2244, Andoy Malinao, Cavite 0919-320-2808; Isagani Dominguez, Bacoor, Cavite, 0928-394-7130; Ver Dacay, Taytay, Rizal, 0905-796-7200; Raymund Bersabe, Taytay, Rizal, 0916-383-0908.
Anthony Espinosa, Pasay Cockpit, 0906-238-8363; Col. Tito Corpuz, Teresa, Rizal, 0915-865-9236; Jun Santos, Teresa, Rizal, 0921-416-4359; Ferdie Sarino, Tondo, Manila, 0916-550-1355; Fred de Asis, Pampanga, 0910-578-6100; Boy Uy, Quezon City, 0906-378-3842; Ramil Bacsal, Cubao, 0921-592-0797; Jeff Urbi, Mandaluyong, 0928-711-3711; Bong Ferreras, Dasmarinas, Cavite, 0921-332-2231.
Dhong Palermo, Bagong Barrio, Caloocan, 0907-367-7634; Marlon Mabingnay (temporary), Cagayan Valley, Bulacan and Pangasinan, 0929-723-3573; Jessie Abonite, Bicol, 0916-770-5552, Boying Santiago, Bicol 0920-410-4812; Joel Guimaray, Nasugbo Batangas, 0920-890-7625. Loreto Casalhay, Sampaloc, Manila, 0918-271-3548.
Baka may nakaligtaan tayo, kung maari kung may coordinator na di natin na mention dito paki-advise po tayo nang maihabol natin.
Pinakikiusapan po natin ang mga coordinators na sa ngayon palang ay mag-organize na sila ng suporta sa unang pasabong natin ngayong darating na Enero sa Pasay cockpit. Sa pangatlong linggo ng Enero po yan. Di pa lang natin alam kung sa pangatlong Lunes ba o pangatlong Miyerkules.
Ibig po nating sabihin na mag-organize ng suporta ay ang sumusunod:
1. Hikayatin ang ating mga miembro na naglalaban ng manok na maglaban sa ating unang pasabong;
2. Mangumbida po tayo ng mga kaibigan at iba pang nagmamanok na maglaban sa ating pasabong;
3. Ipamalita sa mga kakilala at sa publiko ang ating darating na fastest kill ulutan. P1,100 ang entry fee 120,000 ang guaranteed prize.
Inaayos pa po nila kamanang Anthony Espinosa at kamanang Bong Ferreras ang iba pang detalye ng pasabong at benepisyo ng members.. Ang pagkakaalam ko ay may Mana Fighter of the year award at mayroon ding Mana fighter of the Month. May cash prizes po at iba pang premyo na mapupunta sa mananalo.
May mga benepisyo pong mapapala ang ating mga miembro. Isa na po dyan ang ating gamefowl dispersal program.

Gud am kamanang Rey may broodcock akong winner sa araneta bakit puro talo ang mga anak? Nakaapat na ang talo. Magaling sa bitaw. I-cull na ba ito? (ENZ 001284)
Ang apat kamana ay hindi pa conclusive na sample. Kunti pa lang yan. At saka, kung isa lang ang ina ng apat, maaring ang deperensya ay wala sa broodcock kundi nasa inahin. Pero bad na yan sa pogi points ng broodcock mo. Kaya kung gusto mong i-cull sige.
Ang gawin mo siguro kamana, kung mayroon kang record sa anak ng inahin sa ibang tatyaw, tingnan mo at baka masama din. Kung ganoon nasa inahin ang depekto.
May nabasa ako kamana na totong-totoo. Ang sabi ng may akda na sa isang masamang mating apat ang maaring dahilan genetically. Una parehong genetically masama ang ama at ina. Pangalawa masama ang ina. Pangatlo masama ang ama. Pangapat, parehong magaling sana ang ama at ina pero hindi nagkatugma ang kanilang genes.
Bukod pa sa genetics maaring ang dahilan sa masamang record ay ang kapaligiran at pagpapalaki. O pagpakain at pagkundisyon. Maraming factors kamana di lang ang galing ng broodcock.

Congratulations po sa mga nagwagi sa Bakabakan 10-stag championship na sina Jun Pe ng Zamboanga Gamefowl Breeders Association at John Daguio ng United Ilocandia Gamefowl Breeders Association. pareho po silang nag-score ng straight ten wins.
Congratulations din sa National Federation of Gamefowl Breeders (NFGB) para sa isa na namang matagumpay na Bakbakan stag championship. Bawat taon ay binabasag ng NFGB ang record numbers of entries sa taonang Bakbakan.
Ang Bakbakan ang pinakamalaking derby sa buong mundo at ng buong kasaysayan ng sabong kung dami ng kalahok ang paguusapan.

Bukas ipagpatuloy natin ang ating pagtalakay sa feeding program natin. Kahapon nasa pang apat na linggo na tayo. Bukas ang tatalakayin natin ay ang pakain sa pangalawang buwan ng sisiw.






















Rey b art672
For dec 6
Mana organization
Doc Ayong Lorenzo, owner of Excellence Poultry and Livestock Specialist and El Dia gamefarm, celebrates his birthday today, December 6.
Happy Birthday Doc. How young are you? __ty pa!

Mga kamana, naumpisahan na po nating ma-organize ang structure ng Mana sa Metro Manila at nearby provinces. Ang mga sumusunod po ang naatasan na tumutok sa iba’t-ibang concerns ng Mana.
Para po sa inyong katanungan, pangangailangan at mungkahi maari po ninyong kontakin ang sumusunod:
Tungkol sa ating buwanang pasabong sa Pasay cockpit,Anthony Espinosa – 0906-238-8363. Si kamanang Anthony ay kasador sa naturang sabungan. Linggo hanggang Miyerkules ang pasabong nila. Nandoon si kamanang Anthony sa mga araw na ito. Ang ating unang pasabong ay sa third week of January po. Maghanda po ang inihanda na pa-premyo ni kamanang Anthony. Maghandahanda na po tayo ng mga manok.
Sa ating dispersal program, Jun Santos, 0921-416-4359. Si kamanang Jun ay konektado sa Bmeg. Maari rin nyo siyang kunsultahin hinggil sa nutrisyon ng manok. Handa na ang disersal farm natin sa Teresa, Rizal. Magpasalamat po tayo kay kamanang Col. Tito Corpuz. Sa kanya ang lugar na gagamitin natin.
Ang mag-aaral po sa mga benefits and welfare of members ay si kamanang, Bong Ferreras 0921-332-2231. Kung idulot po ay magkapagsimula na tayo ng ating welfare program kung swertehin na maganda ang kita ng ating pasabong. Kaya suportahan natin ang ating pasabong sa Pasay. Sali po tayo at mangumbida pa tayo ng mga kaibigan na maglaban at manuod.
Si Army Celis 0928-505-7345 ang mamahala sa ating training, seminars at iba pang activities ng Mana. Antayin po natin kung ano ang ilalaan nya sa atin sa susunod na taon. Inaasahan natin na maging mas aktibo ang Mana sa 2009.
Magpasalamat po tayo na kahit sobrang busy si kamanang Army, bilang presidente ng kanyang construction company ang AC Trojan Industries, Inc., may panahon pa siya para sa Mana at sabong in general. Si kamanang Army ay may magandang invention na mapakinabangan ng mga nagmamanok. Nakagawa po siya ng gloves na magiilaw pag tumama ang palo ng manok.
For general information about Mana, si Dan Baltazar, 0910-485-2134 ang makasasagot. Sa ating gamefowl technology transfer naman ang in-charge ay si Marlon Mabingnay –0929-723-3573. Si kamanang Dan at kamanang Marlon po ang mga pinakaunang naglingkod para sa Mana sa Metro Manila area.
Magdadagdag pa tayo ng mga concerns kaya kung may naisip kayo o kaya’y gusto nyong magvolunter bilang primemover o coordinator magtext lang po kayo sa atin.

Feeding program party 4 - 4th week
Sa linggong ito ay patuloy nating pini-phase out ang chick booster. May ibang programa na stag developer ang dahan dahan nilang pinapalit. Ngunit batay sa ating karanasan, malalaki pa ang micro-pellets tulad ng stag developer para sa mga mag-iisang buwan palang na sisiw.
Sa atin dahan dahan nating wina-wala ang chick booster ngunit ang pinapalit natin ay bsc, at baby stag developer o kaya’y jr starter na parehong crumbles. May corn grits pa rin pero yong medyo malalaki na ang butil.
Ang mangyayari pagkatapos ng linggong ito ang pakain natin ay 30% corn, 30% bsc at 40% jr starter o baby stag developer.
Sa unang buwan po ay ad libitum ang pakain natin. Walang limit, hanggang sawa. At dahil may ilaw pa ang brooder, ibig sabihin 24 hours may pakain ang mga sisiw.
Ang ating suplemento ay ganoon parin. Ngunit ang ating anti- biotic ay yong mas marami ng sulfaquinoxaline. Ibababa na kasi natin ang mga sisiw galing brooder na may sahig papuntang brooder o pen na nasa lupa. Ang pen na nasa lupa ay linalagyan natin ng rice hull para mas malinis at mas masaya ang mga sisiw sa pagkakha. Nakakatulong din ang rice hull sa pag-bigay ng init sa gabi.
Ang sulfaquinoxaline ang panlaban natin sa coccidiosis na malimit umatake sa sisiw na bagong baba sa lupa. Ipagpatuloy pa rin natin ang pro-biotic. Pag may sobrang pro-biotic o lactobacillus mixture ay sa loob ng pen itapon. Ang probiotic ay makakatulong sa paglaban ng bad bacteria na nasa lupa. Ito din po ang ginagamit nating preventive disinfectant ng lupa. Ayaw nating gumamit ng chemicals, maliban lang kung talagang emergency at kailangan na malinis agad-agad ang lupa.
Mabilis ang bisa ng chemical laban sa mga mikrobyo. Pero di naman ito makakabuti sa lupa in the long run. Samantala, ang organic at probiotic na sistema ay nangangailangan ng mas mahabang panahon upang gumana. Ngunit wala itong masamang epekto sa lupa. Sa kalaunan mas maka benepisyo pa ang lupa na patuloy na ginagamitan nito.
Ganoon din po sa katawan. Kung kailangan ang immediate na gamutan, anti-biotic po ang ating kinakailangan. Pero may risk ito. Dahil mamatay pati ang good bacteria at hihina ang immune system ng katawan. At saka ang patuloy ng paggamit ng isang uri ng anti-biotic at maaring ma-immune ang mikrobyo at wala nang bisa ito laban sa sakit.
Kaya nga ang sabi nila, dahil sa patuloy nating paggamit ng anti-biotic, ang mga bacteria daw ngayon ay nakasakay sa tangke at ang mga air-borne virus ay nakasakay sa eroplano.















Rey b art671
For dec 5

Sa sabong hindi sugal ang mahalaga
Kamana natalo kami sa laban, pero ito ang talo na nakita’t narinig mo sa mga tao yong paghanga nila sa ginawa ng manok. Extreme performance! Talo man ay panalo naman sa paghanga. Kilikili lang ang tama ng manok isa lang. Naranasan ko na ang Mana way of conditioning and still learning. Salamat kamana, wala kang masabi talaga. Hanggang ngayon masaya pa ako. Talo na masaya pa. ( Dhong Palermo 001693)
Talagang ganyan kamana, may talo may panalo. Ang mahalaga ay kuntento ka sa kilos ng manok at masaya ka kahit talo. Maganda ang attitude na yan kamana.
Mangyayari lang ang ganyan na dahil sa performance ng manok, masaya tayo kahit talo, kung, ang ating pusta ay hindi masyadong mabigat para sa atin.
Yan ang sinasabi natin palagi kamana na hindi dapat pumusta ng halaga na kung matalo ay siguradong malungkot tayo, kundi man aburido.
Magtipid sa gastos, dahandahan sa pagpusta. Hindi na maging kasiyasiya ang sabong kung ito’y makaapekto na sa bulsa.
At saka, upang maipakita natin sa buong mundo na sa sabong, hindi ang pagsugal ang mahalaga.
Si kamanang Dong ang coordinator natin sa Caloocan. Sa Bagong Barrio ang base nya. Kmanang Dhong, maghandahanda kayo ng mga manok para sa pasabong natin sa third week of January sa Pasay.
Siyanga pala, kung sino ang gustong magpa-miembro ng Mana sa bandang Caloocan, magtext lang kay kamanang Dhong, 0907-367-7634.

Sir gud day. Maganda ang nilaro ng manok ko kahapon. Salamat sa mga tips na nabasa ko sa Tumbok. (11:56:50am Dec 1, 2008)
Ito pa isa. Di mo nasabi kamana kung nanalo o natalo. Ang sabi mo lang dito ay magaling ang nilaro ng manok mo. Siguro, tulad ni kamanang Dhong, ang performance ang mahalaga sa iyo.

Gud eve po sir Rey. Alin ang mas okey ang lacy roundhead o ang cowan roundhead (08:29:41pm Dec 1 2008)
Ito na naman ang tanong na napakahirap masagot.
Kamana di po natin masagot yan dahil hindi naman lahat ng lacy roundhead ay magkatulad ang hitsura at galing. Ganoon din po ang Cowan. Yan po ang pabalikbalik natin sinasabi dito. Di po natin mabatay sa pangalan ng lahi lang. Dapat more specific. Maaring partikular na pamilya o indibidwal na mga manok.
Halimbawa pwede nating sabihin alin ang magaling sa lacy roundhead ni breeder no. 1 o ang Cowan ni breeder no. 2. O kaya’y partikular na manok, halimbawa alin ang magaling ang lacy na ito o ang cowan na iyon.
Huwag po ang pangalan ng lahi ang gawin nating batayan. May lacy na magaling may lacy na bulok. May cowan na magaling may cowan na bulok. Nagtataka nga ako sa iba para bang ang tingin nila sa manok ay magkatulad basta magkatulad ang pangalan ng lahi.
Halimbawa may mga magsasabi agad na magandang i-cross ang roundhead sa hatch. Ba’t nila masabi? Hindi naman lahat ng roundhead ay magkaparehas ang katangian. Ganoon din ang hatch.
Generalization na tulad nito ay maaring makapagtulak sa mga baguhan nating kapatid sa kapahamakan sa kanilang pagmamanok.
Mga kamana huwag kayong magtaka o ma-bored kung may mga katanungan na magkatulad at pabalikbalik nating sinasagot dahil mahalaga naman. Ito ay nagpapakita lang ng parami ng parami tayo dito sa Tumbok. Bawat araw ay may madadagdag na bagong mambabasa na hindi pa nakabasa sa mga tinalakay na natin.


Feeding program part 3
3rd week. Days 15-21
Sa first half po ng linggong ito ay puro chick booster pa rin ang pakain natin. Simula sa day 19 dahan dahan nating hinahaluan ng corn grits para unti-unting bumaba ang antas ng protein at ang halaga ng ating pakain. Umpisa na tayong magtipid.
Sa day 19 haluan ng 10% corn grits Sa day 20 ay 20% sa day 21 ay 30% na ang corn grits. At upang mas makatipid pa dahan dahan din nating hinahaluan ang chick booster ng bsc o broiler starter crumbles. Ganoon din po ang sistema. 10%,20% at 30%.
Sa makatuwid pagdating ng Day 21 ang ating halo ay 40% chick booster, 30% bsc at 30% corn grits. Malaki po ang matipid natin dito. At hindi naman gaanong bababa ang CP natin dahil ang bsc ay may 22%-23% crude protein din tulad ng chick booster.
Nasa 18% to 19% pa rin ang CP ng halo na ito. Sapat na ito. Para sa atin sa unang dalawa o tatlong linggo lang kinakailangan ng sisiw ang napakataas na protein.
Ang supplement po natin sa linggo ito ay katulad ng sa 2nd week. 3 days anti-biotic, Tapos alternate ang probiotic, at vitamins and electrolites sa nalalabing 4 na araw. TMPS o cotrimazine na ang anti biotic natin sa linggong ito. Ganoon pa rin plain water sa gabi.
Itutuloy bukas.













Rey b art670
For dec 4
Feeding program part 2
Salamat bai!
Naka-champion gyud ko bai. 5-cock 1M niadtong Nov 12, 13 & 15 b-day ni way kurat Cong. Manuel Zamora sa Monkayo, ComVal. Imo ponkan material ang gigamit nako. (J. Caballero, Bansalan, Davao del Sur, 09:05:48pm Nov 30, 2008)
Si Bebot Caballero po ito ng Bansalan, Davao del Sur. Noong 2006 ay nakakuha siya sa atin ng ilang pirasong battlefowl at nilaban niya sa Araw ng Davao derby. Nag score po ng 4 wins 2 losses. Dahil nagandahan siya sa resulta, kumuha siya sa atin ng ponkan trio.
Ang mga anak ng triong iyon ang nag-champion kamakailan sa 5-cock 1M b-day derby ni Cong. Way Kurat Zamora.
Ang ating ponkan nga pala ay ay bloodline na nanggaling sa isang sweater cock na pinangalanan kong ponkan dahil sa kulay ng balahibo at paa. Nakuha ko ito sa aking kaibigang Art Panuncillo, may-ari ng Pacific Barato agrivet.
Si ponkan ay palahi po ni Doc Ayong Lorenzo ng El Dia Game Farm at Excellence Poultry and Livestock Specialist.
Ang ponkan, na bloodline ay may 5/8 na dugo ni ponkan, ang manok. May halo na ang ating ponkan bloodline ng dugo ng roundhead ni Lance de la Torre at lemon 84 ni Paeng Araneta.

Salamat sa ponkan broodcock nga imo gipadala nako last year. The best. (Budz Esguerra, Matalom, Leyte, 12:23:26pm Nov 26, 2008)
Si Budz naman na taga- Leyte ay nakakuha ng ponkan broodcock at ilang pirasong klase-klaseng hens. Ngayon ay gusto naman siya kumuha ng additional materials.
Ang ponkan broodcock na tinutukoy ni Budz ay ang #20 mark, right nose- right in, kapatid ng na kay Bebot.

One male at 4 female biddies ang nabili ko sayo, April 2006. Paglaki nila breed ko sila. Nilaban ko ang male nanalo pero namatay. Mga anak nya ang laman ng small sized-farm ko ngayon. Mga 40 heads. ( Engr Bert Agsalud, Asingan, Pangasinan, 12:10:45pm, Nov 30, 2008)
Ang broodcock na ito ay ponkan#19 ang mark, right nose- double right, ang mga females ay crosses ng Dink Fair sweater at Bobby Fairchild kelso na parehong imported na galing kay Boss Manny Berbano ng Pit Games at Libangan ng Bayan.
Si Engr. Agsalud ay ganoon din. Gusto na namang kumuha ng broodcock dahil ang broodcock na galing sa atin ay inilaban nya at namatay ng manalo. Ang kinuha noon ni Engr Agsalud ay ang offer ng RB Sugbo na tinatawag nating starters’ set. Isang pure na 2-3 months old male at 4 na 2-3 month-old crosses na female.
Ang halaga po ng starter set na ito ay P5,000 lang. Napakamura para sa makabili, dahil halos yon na rin ang halaga ng isang 2-3 month old pure male natin noon. Bale libre ang 4 na females.
Para sa atin naman, ang mga crosses na female ay kina-cull natin, bakit di na lang natin ipamahagi ng mapakinabangan pa ng iba.
Sina Bebot, Budz at Bert, ay mga pangkaraniwang sabungero. Si Bebot ay taga Mindanao, Si Budz, taga-Visayas, at si Bert ay taga-Luzon. Sila ay iilan sa mga suki at clients ng RB Sugbo na kamakailan nagtext upang ipamalita sa atin ang kanilang progreso.
Kahit noong wala pa ang Mana, ang RB Sugbo ay naglilingkod na sa mga pangkaraniwang sabungero sa Luzon, Visayas at Mindanao pamamagitan ng pagbenta ng quality materials sa abot-kayang halaga at pamahagi ng kaalaman.
Inalok nga natin si Bert na kung malapit lang ang lugar nya, ang Asingan, Pangasinan sa Anda, Pangasinan, ay ipabisita ko ang farm nya kay kamanang Marlon Mabingnay upang ma-assess at baka may ikatulong tayo.
Nandoon kasi si kamanang Marlon sa Anda, sa RCF Farm ni Richard Espanol , para sa isang hands-on-at-farm training ng mga kamana natin doon. Malayo raw ang Asingan sa Anda.

Feeding program part 2-- 2nd week
8-14th day—Puro chick booster pa rin ang ating pakain. Dito ay nagbibigay na tayo ng anti-biotics. Ang ginagamit natin ay tetracycline lang muna o ang mga variants nito. Sa days 8, 9 and 10 natin ito binibigay. Sa days 11 at 13 pro-biotics na naman tayo. MVE sa days 12 at 14. Bale sa unang 3 araw ng linggo anti-biotic at sa susunod na 4 na araw alternate natin ang pro-biotic at MVE.
Tantyahin lang natin na ang tubig na may gamot ay mauubos nila sa buong araw. Sa gabi po plain water ang binibigay natin. Sa umaga na natin palitan uli ng may gamot. Ito ang ating sistema palage.
Sa panahong ito may ilaw pa ang brooder kaya 24 hrs dapat na may pakain at tubig ang mga sisiw. Nagsisimula nang dumami ang balahibo ng sisiw sa pangalawang linggo kaya magingat na tayo na di sobra ang temperatura sa loob ng brooder.
Kapag ang mga sisiw ay nasa dulo na ng brooder, sa pinakamalayo sa ilaw, ibig sabihin sombra ang init. Palitan natin ang bombelya ng mas maliit na watts o kaya iangat natin ang ilaw ng kaunti.
Kapag ang sisiw naman ay nasa malapit sa ilaw, ibig sabihin kulang ang temperatura.
Itutuloy natin ito bukas.














rey b art669
For dec 3

Feeding program
Kamana, Miyerkules po, Dec 3 ang libing ni yumaong kamanang Eduardo V. Dacumos, 001790. Alas 7:30 ng umaga sa sementeryo ng Tipas, Taguig. (kamanang Mhon Dakay 001107)
Nasa Visayas po ako kamana at di makahatid ni kamanang Eduardo sa kanyang huling hantungan, sa mundong ito. Ngunit baon po nya ang ating dasal at dasal ng iba pa nating mga kamana.
Sumalangit nawa ang kaluluwa ni kamanang Eduardo.

Good Day kamana. Si kamanang Ferdinand ito. Sana naman P550 na lang ang entry fee at 1,100 ang minimum bet. Para naman di masakit sa dibdib, for friendly game lang. At may supplier kausap ko tungkol sa Mana cap design. E-benta natin sa grupo ang kikitain ay pundo ng Mana. P200 ang isa. Okey ba ito?
Si kamanang Ferdinand Sarino ay coordinator ng Mana chapter na naka-base sa Tondo, Manila. Ang tinutukoy nya ay entry fee at minimum bet sa ating darating na buwanang pasabong sa Pasay cockpit simula Enero.
Okey yan kamana para abot kaya ng karamihan ng ating mga kamana. Pero si kamanang Anthony Espinosa ang makapagsasabi kung talagang okey nga yan. Siya ang inatasan natin na mamahala sa ating mga pasabong, dahil bilang isang propesyonal na kasador sa Pasay ay alam nya ang pasikot-sikot sa mga pasabong doon.
May posibilidad kasi na okey lang ang halagang iyan para sa atin, ngunit may iba, lalo na ang mga regular na nag-lalaban sa pasay na hindi miembro ng Mana, ang maliliitan at hindi na mainganyong sumali. Kung sakali, malaki din ang mawala sa atin, kamana, in terms of participation.
Pakinggan muna natin ano ang masasabi ni kamanang Anthony. Kung sa palagay nya di makabubuti, ipatuloy na lang natin ang nakasanayang 1,100 na entry fee. Hindi naman siguro malaking problema yan. Magbakasbakas lang tayo. Ang mahalaga may manok tayo na ihanda at ilaban. Ang pera ay mahahanapan natin ng paraan. Lalo na kung maganda at magaling ang manok natin.
Kaya mag handa tayo ng manok at mangumbida tayo ng mga kaibigan na lumaban sa ating pasabong simula 3rd week of January. Mas malaking kita ng pasabong mas maraming benepisyo ang ating mabibigay. Sa araw ng pasabong palang mismo ay may mga benepisyo na tayong ibibigay. Doon at doon pa lang ay ibabalik na natin agad sa mga sasali ang bahagi ng kikitain.
Hinggil sa Mana cap, kamana, okey yan at nang magkapundo naman ang chapter nyo. Si kamanang Isagani ng Cavite ay may ganyang proyekto. Mana travelling box naman ang ginagawa nya. Basta resonable lang ang presyo at may kunting pundo ang chapter nyo ayos yan.

Feeding program
Kahapon ay naipangako natin na ilathala dito ang feeding program ng RB Sugbo mula day 1 hanggang sa maintenance stage. Tulad ng nasabi natin kahapon, ang ating programa ay halos parehas lang sa mga programa ng iba’t-ibang kumpaniya ng feeds at gamot.
Kunti lang ang kaibahan. Kalimitan ang mga kaibahang ito ay dahil sa una, gusto rin nating makatipid, at pangalawa, dahil hindi tayo konektado sa alin mang mga kumpaniya, tayo’y malayang gumamit ng kahit alin sa mga available na brands. Kung alin ang mas nagustuhan natin, batay na rin sa economic consideration na magtipid, doon tayo.
Ito ang ating feeding program:
Unang araw—tubig lang na may kunting asukal, May sustansya pa ang sisiw na galing sa nakuha nito sa itlog.
Pangalawang araw- umpisahan na nating magbigay ng chick booster. 21-22% ang crude protein ng chick booster. Maari na rin nating haluan ng MVE o multivitamins with electrolytes ang tubig.
Pangatlo at pang-apat na araw- chick booster at MVE pa rin.
6th- 7th day—puro chick booster pa rin. Ang hinahalo natin sa tubig sa mga araw na ito ay pro-biotics. Yong lactobacillus.
Kung napapansin nyo sa unang linggo ay di pa tayo nagbibigay ng anti-biotics. Ang punto natin dito ay di pa kailangan dahil ang sisiw ay mayroon pa sa tinatawag na natural immunity at ito’y magtatagal hanggang dalawang linggo.
Kaya sa unang linggo, sa halip na gamitan natin ng anti-biotics na maari pang makamamatay pati sa mga good bacteria, ang ginagawa natin ay ang mas palakasin pa ang kanilang immune system pamamagitan ng pagbigay ng bitamina, mineral, at pag-introduce ng pro-biotics sa kanilang sistema..
Ang pro-biotics ay ang pag-paparami ng mga good bacteria upang maging panlaban sa bad bacteria. Kung mas malakas ang good bacteria kaysa bad bacteria sa katawan, ito ay magiging malusog at ligtas sa sakit.
Ang paggamit ng pro-biotics ay isa sa mga kaibahan ng sistema ng RB Sugbo sa mga nutrition programs ng mga kumpaniya.
Ituloy natin bukas.

















Rey b art668
For dec 2

Mga kontra sabong: “Back off”
Good pm kamana. Malapit na matapos ang 10-stag Bakbakan derby baka manggulo na naman ang Peta. Dapat nag hahanda ang Mana para harapin sila. (Bien Mazo 001346)
Salamat sa paala-ala mo kamana. Maaring mangyari yan tulad ng ginawa nila sa world slasher. Sige lang kamana kung gagawin nila yan, kundi man tayo makapag-react agad-agad, sisikapin ng Mana na magsagawa din ng sariling kontra-pagkilos.
Kaya ngayon palang ay may babala na tayo sa kanila:
“ Back off.”

Kamana gud morning po. Dito na po me sa Pangasinan. Eto yong farm nya RCF Farm. Owner Richard Espanol. Dito ito sa Anda, brgy Dolaon. Uumpisahan ko na po ang two-week na pagtrain sa mga kamana natin dito sa pamamaraan ng RB Sugbo.
Ang nag-text po na ito ay si kamanang Marlon Mabingnay. Nasa RCF Farm siya ngayon sa Anda, Pangasinan upang sanayin ang mga kamana natin doon sa pamamaraan natin sa pagmamanok.
Ang mga ganito po ay bahagi ng “hands-on-at-farm program ng RB Sugbo, at ngayon ng Mana, sa mamahagi ng kaalaman sa mga masang sabungero.
Si kamanang Marlon ay ang gamefowl technologist ng RB Sugbo sa Luzon. Una pong binisita ni kamanang Marlon ang JT Northern Star sa Tuguegarao. Mga ilan buwan din siyang nanatili doon, hindi lang upang i-share ang RB Sugbo technology kundi ang matoto rin sa pamamaraan ng JT Northern Star at nang maipamahagi rin ito sa iba.
Sa parte po ng RB Sugbo, libre ang programang ito. Hindi po tayo humihingi ng kahit ano mang bayad o kapalit. Ang magagasto lang po ng mag-papatrain ng mga tauhan ay ang meals ni kamanang Marlon habang na sa client farm siya at kaunting allowance.
Kung interesado po kayong maka-avail sa programang ito ay kontakin lang si kamanang Marlon, 0929-723-3573. Direkta lang kayong mag-usap at nang ma-schedule ang hands-on- at-farm training nyo.

Kamana magandang morning po. Maari po bang malaman ang feeding program nyo sa mga sisiw. May mga feeding program naman po ako ng mga programa ng iba’t-ibang kompanya, tulad ng naisulat mo minsan. Nais lang po namin kamana na malaman ang sa iyo at nang makumpara namin. (10:34:55am Nov 25 2008)
Kamana, ayos naman yang mga feeding program mga iba’t-ibang kumpaniya ng feeds at gamot. Pinag-aralan nila ng husto yan at saka sa totoo mas capable silang makapag-aral ng husto kaysa atin.
Kung pagmasdan natin maige, halos magkapareha lang ang kanilang mga programa. Magkaiba lang ang pangalan ng pakain o gamot. Ito ang tinatawag na brand names. Dahil nga may kanya-kanya silang produkto.
Ngunit kung tingnan natin ang generic names ng mga pakain at gamot na ito, halos magkaprehas lang.
Ang ating programa ay halos katulad lang din ng sa kanila. Kaya lang libre tayong gumamit ng kahit anong brand sa pakain at gamot at libre din nating ituro ang mga ito dahil hindi tayo konektado sa alin man sa mga kumpaniya. Ang mas nagustuhan natin ay siyang ating ginagamit.
Kaya lang may ibang bagay din tayong kinukunsidera. Tulad ng availability ng partikular na brand sa lugar natin. Paminsan-minsan ay may kaibigan tayo sa isang kumpaniya na maaring maka-influence sa atin. Okey lang ito kung talaga namang pupwede ang produkto nya. May pagkakataon din na ma-influence tayo sa commercials at advertisement.
Ngunit isa sa mga pinakamahalagang kunsiderasyon ng RB Sugbo ay ang pagtipid.
Bukas kamana, isusulat natin dito ang feeding program natin mula day 1 hanggang sa maintenance stage.

Isang malungkot na balita mga kamana. Pinagbibigay alam po ni kamanang Mhon Dakay ang ating coordinator ng Mana chapter sa Signal, Taguig, na isa sa ating mga kamana doon ang pumanaw.
Si kamanang Eduardo V. Dacumos, 001790, ay sumakabilang buhay noong Nov 26, 2008. Siya’y 35 years-old palang at binata. Kumplikasyon daw po sa internal organs ang dahilan. Sa pagsulat ko ng pitak na ito noong Linggo, wala pang desisyon kung kailan ang libing.
Ang pag-yao ni kamanang Eduardo ay isang kawalan ng ating kilusan. Ang kanyang pagsapi sa Mana ay pagpapakita ng kanyang pakipag-isa sa ating mga layunin at adhikain.
Ang ating taos puso pong pakikiramay. Ipagdasal po natin ang kanyang kaluluwa. Kung gusto nyo pong ipaabot ng personal ang inyong pakikiramay maari nyong kontakin si kamanang Mhon, 0927-442-2244.





















Rey b art667
Dec 1
One-two na palo
Sir gud pm ask ko lang ang tamang paggamit ng B15 at ribose na nabanggit sa manwal? (SID 4-0034)
Sundin lang ang nasa Manwal ng Mana sa Makabagong Pamamaraan sa Pagpili at Pagkundisyon Kamana. O kaya’y ang nakalagay na instruction sa label. Kung gusto nyo pa ng mas detalye, e-text nyo si Doc Jun, 0928-502-5957.
Pero yong nakalagay sa Manwal, kamana, ay detalyado at okey din yan. May kabanata sa Manwal hinggil sa blood conditioning yan ang basahin maige at mauunawaan nyo kung bakit gumagamit tayo ng pangamic acid o b15.
Ang hinggil naman sa ribose ay mababasa nyo sa kabanata sa pointing o pagpatuktok at sa conditioning pyramid, peaking stage.

Sir Rey gud pm. Paano po ang pagturok ng B complex? Kasi nagturok ako sa pitso bale hindi ko ibinaon sa laman ang karayom tama ba? May panlaban ako sinunod ko lahat ang mga tips mo sa Tumbok. (Pete 001416)
Salamat naman kamana at palagi mong sinusubaybayan ang Tumbok. Bukod pa sa ating pagsubabay kamana, ipamalita natin ang Tumbok sa ating mga kaibigan, upang lalo tayong masaya dito sa Llamado tayo at sa Libangan ng Bayan., ni Boss Manny Berbano.
Karamihan sa mga b complex na injectable ay intra-muscular. Ibig sabihin sa kalamanan ituturok ang karayom. Hindi naman kailangan masyadong malalim basta sa kalamnan o muscle iturok.
Sa pitso ang maige magturok, kamana, dahil walang ugat na maaring tamaan. May mga b comlex na tableta o capsule. Pwede ring ang mga ito ang gamitin natin mas simple at madaling ibigay.
Ang advantage lang ng turok sa subo, ay sa bilis ng epekto. Mas mabilis ang epekto kung iturok.

Kamana, ano itong tinatawag na manok na one-two puncher ang istilo. Magaling ba ito? (RTG T-09054)
Aywan kung tama ako kamana ang malimit kung marinig na tinutukoy na one-two punch ay ang pagkakataon na ang manok ay makangat at pagdating sa lupa siya pang unang makapalo. Mangyayari ito kamana kung ang manok moy ay talagang malakas at diin magpatama sa ere na maging dahilan na off-balance ang kalaban pagdating sa lupa.
Kung mas mataas ang lipad ng manok mo at walang gaanong kontak o di ma-off balance ang kalaban pagdating sa lupa, malamang na mauunahan ang iyong manok sa pagpalo dahil huli itong lalapag. Hindi ito maka-one two punch.
Kung tutuusin, ang tawag na one-two punch ay maaring gamitin sa pagsa-larawan ng kahit anong dalawang magkasunod na palo. One-two, eh. Samakatuwid kahit dalawang magkasunod na palo sa ibaba, di ba?
Magaling ang manok na makakagawa ng one-two kamana. Bukod sa pagkakataon o oportunidad, kailangan din na taglay ng manok ang sapat na liksi at bilis upang magawa ito.

Kamana, may narinig ako na linyada na 5,000 dollar daw ni Dink Fair. Ano ito kamana at bakit tinawag na ganito? Anu-ano pa ang linyada ni Dink Fair kamana? Magaling daw ang mga Dink Sino naman ang mayroon ng mga ito sa mga tanyag na breeders sa Pilipinas?( Bob 004238)
Isa yan sa mga tanyag na linyada ni Dink Fair kamana. Si Dink Fair ay sikat na American breeder. Kilala si Dink sa kanyang mga sweaters. Ang 5,000$ line ay pinangalan sa isang manok na gusto sanang bilhin sa halagang iyon ngunit hindi pinagbili ng may-ari at ginawang brood cock.
Ang orihinal na may-ari ay si Carol Nesmith ngunit napahiram nya ang manok na ito sa mga kaibigan kaya napunta ang linyadang ito sa iba’t-iba nyang kaibigan na breeders.
Tingnan natin kamana kung maka reasearch tayo sa iba pang linyada ni Dink Fair at ilathala natin dito. Ang iba pang linyada ni Dink Fair na narinig ko ay ang possum, cash, landmower at ang golden boy.
Ang kilalalang breeder ng mga Dink lines dito sa atin ang ang Red Gamefarm nina Edwin Aranes at Raffy Campos. May nabasa rin akong artikulo kung saan nabanggit ni Dink mismo na ang paborito nyang buyer dito ay si Bebot Uy ng Davao.
Narinig ko rin na may matalik na kaibigan si Dink na Pilipino, at iyon ay si Atty Jun Mendoza ng JM Fantastic. Ang mga linyada ni Atty Mendoza na galing kay Dink ay hindi raw basta-basta, kundi ang mga personal lines ni Dink.
Mayroon tayo sa JT Northern Star sa Tuguegarao iilang broodcocks na Dink Fair, tulad ng sweaters, green legged sweaters, greys. Lahat, pawang napakagaling.

Llamado Tayo Nov 21-30

Rey b art647
For nov 21
The bigger the better
Gud pm kamana. Di ako nakadalo sa seminar noong Nov 8, pero lagi akong bumibili ng Tumbok para mamonitor ang kalagayan natin. More power sa samahan natin. Kung may ofis lang tau dito sa Maynila, kasi dito ako sa Las Pinas, isa na ako sa mag-boluntaryo na worker ng ating samahan. Lalo na’t malapit na ang eleksyon dapat magkaroon tayo ng kahit isang representante sa gobyerno. ( HA 001085 03:25:53pm Nov 18, 2008)
Salamat kamanang Homer. Kahit hindi ka nakadalo, maraming pang pagkakataon at mga darating na seminar at pagpupulong natin. Ang mahalaga ay ang inyong suporta.
Alam natin kamana na napakaraming katulad ninyo na kahit hindi makakadalo sa mga seminar at pagpupulong, o hindi man lang nag tetext, ngunit naka-antabay lang at buo ang suporta sa Mana at sa mga layunin nito.
Si kamanang Homer Andaya, mga kamana, ay taga La Union, ngunit nasa Maynila na naninirihan ngayon. Matagal na siyang kamana dahil ang number nya ay 1,085 pa samantalang lampas na tayo 9,000 ngayon. Kitangkita ang kanyang pakikipagisa sa atin.
Huwag magalala kamanang Homer, kahit walang kinalalaman sa eleksyon, magkakaroon tayo ng opisina sa Metro Manila .
Dapat lang dahil marami na tayong activities dyan. Magkakaroon na tayo ng regular na pasabong sa Pasay Cockpit simula Enero, may area na tayo sa Teresa, Rizal para simulan ang pagpapalahi para sa ating dispersal program at may programa na tayo sa sports radio, simula susunod na buwan.
Siyanga pala marami sa mga nag-order ng Manwal ng Mana sa Makabagong Pamamaraan sa Pagpili at Pagkundisyon, habang nasa biyahe tayo, ang nag follow-up na hindi sila napadalhan ng kopya.
Yong mga nakaorder na lampas tatlong araw hindi dumating ang kopya pakitext muli at baka nakaligtaan ang order nyo. Dapat dalawang araw ay matanggap nyo na ang inyong kopya na may kasama nang ID ng Mana.
Eto po ang mga numbers na pwede nyong makontak:
0917-967-7353 – para sa mga katanungan hinggil sa pagmamanok in general.
0927-995-4876—para sa gustong mag-order ng manwal at sa mga may Manwal at may nais na linawin sa nilalaman ng Manwal.

Sir gud pm. Yong manok kong ilalaban ngayong katapusan, napansin kung may tibak. Di naman po kalakihan. Nasa kaliwang paa. Pwede po ba itong ilaban sa katapusan? (05:40:40pm Nov 18, 2008)
Kamana hidi ko masabi kung gaano nga kaliit o kalaki yan. Di ko nakita. Pero mas maige na gamutin muna bago ilaban. Gaano man yan kaliit ay maaring makakadulot pa rin ng disadvantage sa manok mo.
Kung di pa yan kalakihan, linisin lang palagi at sa may damuhan ilagay ang manok. Pwedeng lagyan ng foot pad at bigyan ng anti-biotic. Bacteria po ang sanhi ng tibak.

Kamana ano bang tamang sukat ng fly pen at scratch box? (JRM 001898)
The bigger the better kamana. Kaya lang magastos at saka kailangan ng malaking lugar. Ang nakasanayan ay 4w x 8l x 8h ft ng fly pen at nasa 5.5 o kaya’y 6 ft ang taas ng hapunan. Samantalang, 3 x 3 x 3 ft ang scratch box.




Rey b art648
For nov 22

Delikadong sakit na canker
Magandang umaga kamanang Rey saan po pwede makabili ng trio na manok. Yong tag-2 months na pwede nang mabuhay kasi di ko kaya ang mahal. Nagnanais po akong magkaroon ng magandang lahi.(Kamanang Jalober Felipe 007257)
Payo ko sayo kamana antayin mo na lang ang dispersal program natin. Maguumpisa na tayo sa area ni Col Tito Corpuz sa Teresa, Rizal. Baka sa April or May may mga two mos old trios na tayo.
Di magtagal ay ihahayag natin dito ang mekanismo ng programa kung paano maka-avail. Si kamanang Jun Santos, ng B-Meg po, ang ating program manager sa partikular na dispersal program na ito.

Kamana, pakitanong kay Dra Nieva ano ang gamot ng canker, ( CRJR )
Si kamanang Clem Ramos Jr., o Jun Ramos itong nagtanong mga kamana. Isa po sa mga kamana natin sa JT Northern Star sa Tuguegarao. Kasama ni kamanang Jovy Templo, ang magandang lalaking nasa back cover ng Manwal.
Para sa di pa po nakakaalam ang JT Northern Star ay katulong po ng RB Sugbo sa pamamahagi ng teknolohiya. Ang JT Northern Star Farm ay isang malaking laboratoryo at training ground ng magnanais na matoto.
Sila ang may pakana at kumikilos na magkakaroon tayo ng radio program upang mas makapagpamahagi ng kaalaman na maaring makatulong sa kabuhayan ng mga masang sabungero. Ganyan ang pagnanais ng JT Northern Star na makatulong sa ating mga maliliit na sabungero.
Sa December 20 ang unang airing ng ating programa sa Sports Radio. 8-9am po bawat Sabado. Sisikapin nating maging guest si kamanang Jovy para marinig natin sa kanya mismo ang mga magagandang maaring maidulot ng sabong.
Si kamanang Clem naman kung magtanong specified pa kung sinong vet ang dapat sumagot. Ito ang sagot ni Dra Nieva kamanang Clem:
“Ang canker po ay isang uri ng protozoal disease. Cause is trichomonas gallinae.”
“Signs: matamlay kumain, nana sa bibig at lalamunan hanggang sa maging parang cheese like ang consistency at bumara sa lalamunan o esophagus. Pati crop ay may cheese like na nana. Maapektuhan din ang paghinga kasi maaring bumara sa daanan ng paghinga. Hindi na rin makakainom ng tubig.”
“ Ang gamot para sa 2 kilogram na manok ay metronidazole 250mg ½ tablet a day for 5 days.”

Kamana kailan ang unang pasabong ng Mana sa Pasay Cockpit? Maghahanda napo kami ng mga panlaban gamit ang tinuturo nyo sa Manwal. ( GT 4-00268)
Wala pang definite na petsa kamana. Pero ang napagusapan ay sa bawat 3rd week ng buwan ang ating pasabong sa Pasay. Hindi pa tiyak kung third Monday ba o third Wednesday ba ng bawat buwan.
Maghandahanda nalang tayo basta kung di Jan. 19 sa Jan 21 ang una nating pasabong. Abangan nyo rin dito mga kamana sa pitak natin at sa pahayagang Tumbok ang mga anunsyo hinggil sa pasabong natin sa Pasay cockpit dahil pinagaaralan ni kamanang Anthony Espinosa kung anong mga benepisyo ang makukuha ng mga kamana natin na maglalaban sa bawat pasabong natin.
May binubuo po tayong parang Mana frequent fighters chapter para sa mga kamana na malimit naglalaban. Si kamanang Anthony po ang coordinator natin dito.

Mga kamana sino sa inyo ang magnanais na magkaroon ng incubator kontakin nyo si kamanang Vincent Ramiro, 0921384147 ng #80 Alexander St.,Sampaloc, Tanay, Rizal



Rey b art649
For nov 23

Pagkundisyon at nutrisyon
kamanang RB, ilan po bang days ang tama sa pagkundisyon na manok bago ilaban.? (HOD 4-0476)
Ang nakasanayan ng iba ay ang magbilang ng 28, 21 o 14 days bago ang laban. At sa loob ng panahon na ito nila kinukundisyon ang manok. Ito siguro ang ibig mong sabihin kamana.
Sa atin, may iba tayong pamamaraan na hindi araw ang ating binibilang bago ilaban ang manok kung di ang aktwal na kundisyon nito. Yan ang nasa conditioning pyramid na tinukoy natin sa Manwal ng Mana sa Makabagong Pamamaraan ng Pagpili at Pagkundisyon.
Ganito ang ginagawa natin sa RB Sugbo. Pag nasa conditioning area na ang manok, kasali na ito sa mga conditioning routine na gaya ng nasa pyramid.
May mga stages, at lahat ng manok sa bawat stage ay halos magkatulad na ng routine. Naka-rotation keep na, pareho ang pakain, at pareho ang binibigay na gamot. Pinipili na lang kung aling mga manok ang iangat sa susunod na baitang ng conditioning pyramid. Hanggang sa umabot ito sa yugto ng pagpapatuktok o pointing
Pero ang masasabi ko kamana, maraming pamamaraan. Ano mang pamamaraan ay ayos basta lang matagumpay nating maibigay sa manok ang tamang kundisyon sa oras ng laban.
Kaya, bagaman, sa Manwal ay may conditioning pyramid, tinalakay din natin ang nakasanayang two-week keep. Kayo na ang pumili alin ang mas maige para sa inyo.

Kamana paano ba ang tamang pagpakain ng manok mula sisiw hanggang sa paglaki? Iba iba kasi ang nakikita kong pamamaraan sa pagpakain ang nakikita ko sa iba. Alin kaya ang tama. (12:09:24 Nov 19 2008)
Hindi na problema ang gamefowl nutrition ngayon kamana. Marami nang mabibili na pre-formulated feeds sa merkado. At maari kang humingi ng feeding program sa agrivet. May mga kanya-kanyang programa ang mga feeds manufacturers.
Kung titingnan mong maige, halos magkatulad lang ang mga feeding program. Ang kaibahan lang ay ang brand ng pakain. Dahil kanya-kanya silang nag-recommend ng kanilang produkto.
Noong nag-uumpisa pa lang akong mag manok, isa sa malaking problema namin sa panahong iyon ay ang maghanap at magtimpla ng wastong pakain.
Growing mash at mais lang ang pinapakain namin noon sa mga tinali. Kalaunan natuto kaming haluan ng ibang grains tulad ng wheat, barley at oats. May peas at mongo na rin. Subalit kami lang ang nagtitimpla ng mga ito base sa aming malabong kaalaman hinggil sa taglay na protina ng bawat isa ng mga ito.
Ngayon, wala na tayong problema. Nagdagsaan sa mga tindahan ang mga pre-formulated at pre-mixed feeds. Kailangan lang nating gawin ay ang tingnan ang guaranteed content analysis at piliin ang ating pakay.
Hindi kagaya ng dati, tayo ngayon ay wala nang kahiraphirap sa pagpakain ng manok panabong. Kung alam lang natin ano ang dapat ibigay, mahahanap at agad natin itong mabibili. Kailangan lang ay kaunting patnubay hinggil sa uri ng pakain na dapat ibigay.
Sa sisiw mula pagkapisa hanggang isang buwan ang crude protein (CP) na taglay ng pakain ay dapat nasa 21-22%. Makukuha natin ito sa mga tinatawag na chick booster.
Sa pangalawang buwan maari ng ibaba ito sa 19-20%, kaya starters naman ang ating binibigay.
Tatlong buwan hanggang anim habang nasa pawalaan o range ang manok, 16-18% CP naman ang rekomendado. Stag developer o pullet developer na ang binibigay.
Pagdating ng 6 na buwan, 14-16% CP ay sapat na. Sa panahon na ito pigeon pellets o maintenance pellets ang dapat gamitin.
Tandaan lang natin na ang mash, crumble o pellets na ating gagamitin dapat ay may taglay na mas mataas na bahagdan ng protina kaysa CP na gusto nating makamit upang maari nating haluan ng kaunting grains ang ating pakain.



Rey b art650
For nov 24

Iba-ibang diskarte para sa Mana
Kabuhayan: Mana cockbox
Si kamanang Isagani Dominguez ay may naisip upang makatulong sa sino mang kamana natin na marunong gumawa ng karton na sisidlan ng manok o travelling cockbox.
Marami kasi siyang supply ng magandang quality na karton na pwedeng gawing cockbox. Magiging munting livelihood ito sa simumang marunong gumawa at gustong maging kapartner ni Kamanang Gani.
Siya ang mag-supply ng karton, kayo ang gagawa, at siya naman ang bahalang mag-market. Sino man ang interesado ay i-text lang si kamanang gani sa 0928-394-7130.
Papangalanan ni kamanang Gani na Mana cockbox ang produktong ito at bahagi ng kikitain ay gagamitin nila upang makatulong sa mga proyekto ng Mana chapter nila sa Cavite. Sa Bacoor, Cavite po si kamanang Gani.
Makakapagkakitaan po ito at makakatulong pa sa Mana.

Mana fighters of the year, at benepisyo
Si kamanang Anthony Espinosa naman ay nagiisip kung paano makapakinabang ng husto ang mga kamana sa darating nating mga pasabong sa Pasay Cockpit. Simula Enero po, ay may buwanang pasabong tayo sa Pasay. Kaya sa taong 2009 kung idudulot ng Maykapal, ay may labing dalawang pasabong tayo.
Pinagaralan na ni kamanang Anthony na dapat magkakaroon tayo ng Mana Fighters of the Year. May premyo po ang mga magwawagi nito. Ito ay bukod sa regular na guaranteed prize na P100,000 sa bawat pasabong.
At hindi lang yan, maaring makapagbibigay rin tayo ng insurance o pension plan sa mga handlers at gaffers na regular na lalahok sa ating pasabong.
Magagawa natin ito kung susuportahan natin ang ating mga pasabong sa Pasay. Ang kikitain sa mga pasabong ito ay ibabalik din po sa mga kamana natin pamamagitan ng ibat-ibang uri ng benepisyo.

Gamefowl dispersal
Isa sa mga proyekto na matutulungan ng ating pasabong ay ang ating gamefowl dispersal program. Si kamanang Jun Santos naman ang mamamahala nito. Ang balak po natin ay ang mamahagi ng tig-iilang pirasong baby trios para breeding sa mga qualified na kamana. Pinagaaralan na ni kamanang Jun ang mekanismo ng pagpamahagi.

Kaalaman para kabuhayan, radio, monthly seminar
At, ipagpatuloy po natin ang pamamahagi ng kaalaman sa pagmamanok na maaring mapagkakitaan. Nangunguna po sa aspetong ito ay ang ating pitak dito sa Tumbok. Kaya magpasalamat po tayo sa Tumbok.
Mayroon din po tayong Manwal ng Mana sa Makabagong Pamamaraan sa Pagpili at sa Pagkundisyon.
At, di magtagal ay magkakaroon tayo ng programa sa radyo. Sa DZSR, Sports Radio 918 khz po tayo.
Patuloy din ang ating mga paseminar. Ang balak ay may isang libreng seminar tayo bawat buwan. Sa bawat araw ng Linggo matapos ang ating buwanang pasabong. Hindi lang seminar sa pagpapalahai at paglalaban ng manok kundi pati mga kabuhayan sa sabong, tulad ng pagtari, paggamot, pagsentensya, pagawa ng mga parafernalia at iba pa.

Sa labas ng ka-Maynilaan
Sa Visayas at Mindanao naman ay todo rin ang kayod nila kamanang Steve del Mar, Frank Rebusora, Ryan Lim, Manny L, Butsoy Maglinte at Norbie Inciso ng Eastern Samar, at iba pa nating mga core group. Inaabangan din nila ang programa natin sa radio at ipinamalita na. May mga lugar kasi sa Visayas at Mindanao na walang Tumbok kaya ang inaabangan nila ay ang mga anunsyo sa blog ng Mana, ang tilaok.blogspot.com.
Marami ring kopya ng Manwal ang nadistributed doon. At may balak sila na magpalabas ng magazine ng Mana.
Ganoon din po sa Bicol. Malakas din ang Mana doon. Naroon sila kamanang Jessie Abonite, Boying Santiago at Patrick Lee.
Siyanga pala si kamanang Alan Yaplito ng Ozamis City ay may kaibigan sa Cavite na may mga available imported materials. May nangyari kasi sa kanyang farm at gusto niyang mamahinga muna sa pagpapalahi. Kung sinong may nais na mag-inquire sa mga stocks, kontakin nyo lang si Billy Villalobos SPV Farm, 0920-909-0323.
Magtulungan po tayo. Sana’y Tuloy-tuloy na itong pagusad ng Mana.




Rey b art651
For nov 25

Ayaw nating gumamit ng dummy cock
Kamana napanuod ko sa TV noong nakaraang Sabado yong tinuturo mo palagi na sa hapon paglipad ng manok sa hapunan ay ibaba muli upang humapon ulit ito, at ibaba na naman. Nang gayon ay maehersisyo ang pakpak. Talaga sigurong epektibo ito kamana? (RTD 4-0972)
Bakit kamana, hindi ka naniwalang epektibo yan hanggan nang napanood mo sa TV? Oo kamana epektibo yan. Matagal na nating tinuturo yan at ilang dekada na nating ginagamit yan.
Noong tayo medyo batabata pa, nagsilbe din nating ehersisyo yan hindi lang sa manok kundi pati na sa tao. Professional trainer at handler tayo noon at marami sa kumuha sa atin ay mga malalaking sabungero sa Cebu at maraming manok.
May mga pagkakakataon na naghahanda tayo ng, halimbawa, 50 ka manok. Tuwing hapon ay ginagawa natin ang pagbabalik-balik ng mga manok sa hapunan. Hindi na natin kayang magisa ang ganyang dami kaya pati mga assistants natin ay tumutulong.
Kung tig-sampung manok ang bawat isa sa amin at limang balik ang bawat manok, samakatuwid may tig-50 na dampot at balik ng manok ang bawat isa sa amin. Idagdag pa natin ang paglakad papunta sa kasunod na teepe, di ba sapat na na ehersisyo ang mangyayari, maging para sa aming mga nagaalaga?
Maganda yan kamana at tipid pa. Hindi na natin kailangan ang maraming fly pens. Bagay na bagay ito sa atin mga maliliit na sabungero dahil tipid at hindi na kailangan ng malaking lugar. Kaya palagi natin tinuturo ito sa ating mga artikulo at seminar.

Nakita ko rin po sa programang iyon ang pag hand spar gamit ang dummy cock. Ok rin po ba ang hand spar o catch cock? (RTD 4-0972)
Oo kamana okey yang hand spar. Sa Manwal ng Mana sa Makabagong Pamamaraan sa Pagpili at Pagkundisyon kabilang yan sa mga ehersisyo na ating renekomenda.
Pero iba-iba talaga ang pamamaraan kamana.
Tayo, hindi natin renerekomenda ang paggamit ng dummy cock sa ating pag handspar. Ang katwiran po natin ay hindi kasi focus ang manok kung dummy cock ang gagamiting catch cock. Obserbahan nyo kamana, di ba matagal bago papalo ang manok sa dummy cock.
Oo kalimitan ay magsasayawsayaw muna ang manok bago pumalo sa dummy, hindi tulad kung totoong manok ang gagamiting catch cock. Kung ganito hindi natin mapaunlad ang liksi at killer instinct ng manok na siyang gusto nating gawin pamamagitan ng hand spar.
At iniiwasan din natin na baka makaugalian ng manok ang maging kampante sa totoong laban sa pagaakala na ang kalabang manok ay dummy pa rin.
Pero iba-iba ang pamamaraan kamana, baka may nakita sila na hindi natin nakita. Kaya di natin masabi na mas tama tayo. Ang masasabi lang natin na epektibo naman ang ating pamamaraan.

Noong isang linggo may nagtext sa akin na mga taga-Sampaloc, Manila na gustong sumapi sa Mana. Ang sabi ni kamanang Loreto na may headquarters tayo sa Sampaloc sa Trabajo. Basvill Poultry Supply, 1717 J. Fajardo St. Pwedeng doon na kayo magparehistro. Hanapin nyo lang po ang may-ari si kamanang Nilda Villar.
Kung may mga itatanong din po kayo hinggil sa gamot o pangangailangan nyo sa inyong pagmamanok ay masasagot po ito ni kamanang Nilda.
Pwede ring mag-text kayo kay kamanang Loreto 0918-271-3548.




Rey b art652
For nov 26
Manok na buka ang katawan
Gud am kamana. Meron akong stag na medyo payat. Maganda ba na subuan ko ng dog food? Para mabilis ang pagganda ng katawan? (DC 001726)
Kung may supply ka na ng dog food at hindi ka na kailangang bumili okey lang kamana. Pero kung bibili ka pa, wag na ang dog food. Maraming high protein pellets na pang manok.
Noong araw ginagamit natin ang dog food, dahil wala pang high protein pellets at protein expander pellets na pang manok noon. Ang ginagamit natin noon ay dog food o kaya’y calf manna, na originally pang baka.
Ngayon, napakarami nang produkto na mataas ang bahagdan ng protena na pang manok. Safer kung ito ang gamitin natin.
Ang mahalaga kamana, purgahin mo ang manok na iyan at i-bacterial flushing at baka me sakit na hindi pa lang nag-manifest. Paliguan din ng anti-mite shampoo at e-check kung walang bulate sa mata. Kung mayroon patakan ng anti-eye worm.

Tanong ko rin po bakit ang mga manok sa farm ng kaibigan ko ay bukang-buka ang katawan. Pareho lang po kami ng ginagamit na patuka? ( DC 001726)
Maaring genetics kamana. May mga pamilya ng manok na sadyang buka ang katawan. Maari ring sa pagpalaki. Ang manok na pinagala at pinalaki sa angkop na kapaligiran ay magkakaroon ng mas magandang pangangatawan kaysa manok na laki kulungan o pen.
Maari ring ngayon lang magkapreha ang patuka nyo na malalaki na ang manok. Baka sa maliliit pa magkaiba ang pakain nyo. At maari ring magkatulad ang inyong pakain ngunit sa overall management ay magkaiba.
Mga kamana, ito ang lagi nating tandaan. Ang pakain ay isa lang sa mga mahahalagang aspeto sa gamefowl management. Hindi ibig sabihin na kung maganda at mamahalin ang ating patuka ay sapat na upang gumaling ang ating mga manok.
Hindi po. Napakarami pa pong mga aspeto na dapat pagsamasamahin.
Kaya kabilang sa mga layunin ng Mana ay ang maituro sa mga masang sabungero na mabalanse ang kanilang kaalaman sa lahat ng aspeto ng pagmamanok.

Kamana gud am. Ang pagturok ba ng b complex kapag tag-init o tag-lamig may epekto ba sa kilos ng manok? ( WEP 3-0019)
Wala siguro kamana. Ang b complex ay mga bitamina na kailangan ng katawan tag-lamig man o tag-init. At saka mga water soluble vitamins ito na ang sobra ay madaling itapon ng katawan.
May mga gamot o substance na hindi dapat sa tag lamig o sa tag-init. Karamihan dito ay ang mga metabolic drugs. Isa ito sa mga dahilan bakit ayaw natin gumamit sa mga ito.
Natural substance lang gamitin nati para walang sabit.

Sir gud eve. Three weeks na di pa rin nangingitlog inahin ko. Ano maganda kong gawin? ( 8:58:03pm Nov 22, 2008)
Hindi pa ba yan sobrang matanda o naglulugon kamana?
Check mo kung hindi ba sobrang taba o baka payat. Tingnan ang kinalalagyan at baka madilim. Ilawan ang inahin sa gabi o madaling araw. Kailangan ng 14 to 16 hours na liwanag upang mas mabilis mangitlog ang inahin.
Check mo rin kamana ang pakain. Baka kulang sa calcium at ibang bitamina at mineral. Gamitan mo ng mga layer or breeders feed. O baka stressed masyado sa kinalalagyan nito.
Ang mga ito ang maaring sanhi kamana.




Rey b art653
For nov 27
B complex para blood conditioning
Kamana good morning. Nagtext po sa akin si kamanang Andoy, may problema po kasi doon sa isa sa mga panlaban nya. Yong ipot ay dark green at ang naka-top instead of puti ay yellow. Bakit po kaya? Limang araw na lang bago ang laban kamana.
Mga kamana, ang nagtext po sa atin ay si kamanang Marlon Mabingnay at ang nagtext naman sa kanya ay si kamanang Andoy Malinao. Parehong magagaling sa pagkukundisyon ang mga ito, ngunit nagsasanggunian pa rin.
Ang punto natin dito mga kamana, na sa pagmamanok, dapat lang na patuloy tayong kumunsulta dahil walang perpekto kung ito ang paguusapan. Dapat lang na patuloy tayong mag-aral at magmasid dahil kahit anong tagal na natin sa pagmamanok maaring mayroon pa rin tayong matutunan.
Sa tanong mo kamanang Marlon ang sagot ko dyan, ay bilib ako sa inyo. Limang araw pa bago ang laban ganyan na kayo nakatutok sa ipot ng manok.
Huwag muna kayong mabahala kamana. Malayolayo pa ang limang araw. Maari pang magbalik sa normal yan. Itanong mo kay kamanang Andoy kung wala ba siyang bagong ibinigay na sangkap sa pakain o kaya gamot.
Maari kasing nanibago. Kahit nga, halimbawa, sanay sa mais ang manok, ngunit naubusan at bumili ka ng mais, maaring ang bagong bili mong mais ay may contamination.
Maari ring na stressed lang iyan at na upset kunti ang digestive system. Kung wala yang sakit, babalik yan sa normal sa di pa ang laban.
May isa pang posibleng paliwanang kamana. Walang deperensya yang manok. Kaya lang ang intestinal dropping na yan ay may halo nang kunting cecal dropping. Ang cecal dropping ay kulay brown. Nang mahaluan ng kunting brown ang puti, para na ring dilaw ang lalabas.
Sa Manwal ng Mana sa Makabagong Pamamaraan sa Pagpili at Pagkundisyon ay tinalakay natin ang ibat-ibang uri ng ipot habang pinapatuktok ang manok.
Mababasa din po ninyo ito sa Mula Itlog Hanggang Sabungan na aklat nina Dr. Andrew Bunan, Dr. Ayong Lorenzo at Mr. Manny Berbano.
Mahalaga din po ang kaalamang ito.

Sir Rey gud pm. Ilang patak ang ibibigay ko sa gamot na ribose na tinutukoy mo sa Manwal? At hindi na ba ako magtuturok ng Bcomplex sa foundation at peaking stage? Sundin ko na lang ang nakalagay sa Manwal?(4-0015)
May nakalagay dyan sa label kamana. Ang sa atin naman ay pwedeng sa pakain ihalo. Dalawa o tatlong patak ng ribose bawat pagpakain sa huling tatlong araw pati na ang araw ng laban.
Hinggil sa bcomplex walang masama kung magtuturok ka. Ang nasa Manwal lang ay para makatipid tayo habang malayo pa ang laban sapat na siguro ang bitamina na nasa multi vitaminas with electrolites (MVE) na halo ng tubig at sa mga nakukuha sa regular na pakain.
Sa peaking period kamana ay nagbibigay na tayo nang bcomplex with iron supplement. Gusto kasi nating makasiguro na kundisyon ang dugo ng ating panlaban sa araw ng laban. Basahin mo sa kabanata hinggil sa blood conditioning kamana. Nasa pahina 24-25 ng Manwal.

Binabati po natin si kamanang Bong Ferreras at ang mga bagong kasapi niya na sina Pedi Sarte, Bgy kagawad; Jorge Vargas, businessman; Toto Mon Mantillano, gov’t employee; lahat sila ng Pasong Buwaya, Imus Cavite.
Kung sinong taga-Cavite na gustong sumapi ang number ni kamanang Bong ay 0919-661-6066.
Kumusta kayo dyan mga kamana sa Cavite? Palago ng palago ang mga chapters ng Mana dyan. Salamat sa inyong suporta.
Kay kamanang Jeff Orbi maraming salamat din at may mga bagong members ka. Sa mga taga-Mandaluyong na gustong mag pamember ng Mana kay kamanang Jeff kayo mag-text 0928-711-3711




Rey b art654
For nov 28


Iba-ibang pamamaraan sa pagpakain
Ang Tamang nutrisyon o pagpapakain ay isang mahalagang aspeto sa pagmamanok. Kaya kailangan ay may kaunti tayong kaalaman sa basic nutrition.
Ang mga sustansya na kailangan ng katawan ay protein, carbohydrates, fats at saka vitamins and minerals.
May iba’t-ibang gamit ito sa katawan kaya dapat balanse ang ating pakain. Ibig sabihin, taglay ng ating feeding program ang lahat ng mga ito sa tugmang proporsyon.
Hindi kasi magkatulad ang dami na kailangan ng katawan. Halimbawa mas mataas ang pangangailangan ng katawan ng carbohydrates kaysa protein. Mas mataas naman dapat ang bahagdan ng protena kaysa taba o fats.
Samantalang napakaliit ng pangangailangan ng katawan ng bitamina at mineral. Kaya micro-nutrients ang tawag sa mga ito.
Noong araw napakahirap mag templa ng tugmang pakain para sa manok. Tayo lang na nagpapakain ang gumagawa ng ating sariling formula. Ngayon wala nang problema. Mabibili na ang mga pre-formulated feeds na kumpleto sa kinakailangang sustansya sa tamang proporsyon para sa iba’t-ibang yugto sa buhay ng manok.
Noong araw, wala pa ang mga Thunderbird, Sagupaan at maging ang Derby Ace. B-meg pa lang noon ang feeds ng San Miguel Corp. Natatandaan ko pa na ang gamit namin na pellets ay PDP ng B-meg. PDP ay pullet developer pellets. Sa pangalan pa lang ay hindi na para manok panlaban, kundi para sa mga gagawing inahin.
Kalaunan nag shift tayo ng nagpalabas ang B-meg ng pegion pellets. Mas angkop ito para sa panlaban. Hanggang ngayon gumagamit tayo nito. Kung napuna nyo sa Manwal natin ay nakalagay doon na ang ating maintence pellets ay pegion pellets, kundi ay yong tinatawag na nila ngayon na GMP.
Ngayon wala nang problema. Kahit iba-iba ang ating gusto na pakain, marami nang mga feeds na para battlecocks talaga, na mapagpilian.
Sa pamamaraan naman sa pagbigay ng pakain iba-iba rin.
Natatandaan ko pa noong kapanahunan ng mga lolo ko, isang beses lang namin pinapakain ang manok isang araw. Sa bandang alas tres ng hapon. Ngayon ang nakasanayan ay dalawang beses. Bandang alas 7 ng umaga at bandang alas 4 ng hapon. May iba sa atin na nagbibigay pa ng snacks sa tanghali.
Subalit hanggang ngayon ay may iilan pa rin na isang beses lang isang araw pinapakain ang manok. Sa hapon lang.
Mangyari'y mas aktibo kasi ang manok mula umaga hanggang hapon kung ito ay gutom. Samakatuwid mas maehersisyo ito kung hindi pakakainin sa umaga. Ito ang dahilan kung bakit ang iba ay sa hapon lang pinapakain ang manok. Kung ganito bale doble naman ang ibinibigay sa hapon upang mabigay ang ang pangangailangan ng manok hanggang sa susunod na pagpapakain.
Kung titingnan parang delikado na hindi matunawan ang manok sa gabi dahil hindi na ito masyadong magalaw. Ngunit sadyang mabilis talaga ang metabolismo ng manok kahit sa gabi kung kailan ito ay namamahinga.
Dahil sa takot na di matunawan ang manok sa gabi, may nagmamanok na sa umaga ay hard and dry feeding ang ginagawa nila. Sa hapon ay wet feeding naman para daw madaling matunaw.
Ang iba naman kabaliktaran ang ginagawa. Sa umaga madaling matunaw at magiging aktibo kaagad ang manok. Sa hapon ang hard at dry feeding.
Sa atin sa RB Sugbo, apat na beses tayo nagpapakain sa isang araw. Binibigyan natin ang manok ng 10 grams sa alas 7 ng umaga; 10 grams sa bandang alas 10; at 10 grams sa ala una ng hapon. Sa alas 4 ng hapon ay 40 grams ang ibinibigay natin.
Itinataon natin ang ating pagpapakain sa tuwing i-rorotate o linilipat natin ng kinalalagyan ang mga manok. Pagkalipat ng lugar ay aktibo kaagad ang manok. Pagdaan ng 20-30 minutes magpapahinga ito. Saka natin ito bibigyan ng pakain.




Rey b art655
For nov 29

Mga entry ng Mana
Gud pm kamana. May entry kami sa Dec 3 sa pasay cock pit 1-cock ulutan fastest kill ano ipangalan namin sa entry (Kamanang Loreto)
Lagyan nyo lang ng Mana ang entry nyo kamana. Kung me pangalan kayong gagamitin dugtungan lang natin ng Mana para maipakita naman natin ang ating suporta sa Pasay cockpit.
Ang Pasay cockpit ay sumusuporta din sa Mana. Simula Enero may buwanang benefit na pasabong na tayo sa naturang sabungan, Ang kikitain nito ay makakatulong sa ating mga proyekto tulad ng gamefowl dispersal natin at mga training at seminars.
Sa inyo pala ni Kamanang Jeff Urbi ang mga manok na ilalaban ng Mana sa Dec 3. Salamat sa inyo kamana at sa mga iba pang mga kamana natin na naglaban at maglalaban pa sa mga fastest kill ulutan sa Pasay bawat Miyerkules.
Sa nakaraang Miyerkules sina kamana Army Celis ang naglaban. Salamat sa iyo kamanang Army.
Ang unang fastest kill ng Mana ay sa 3rd week of January. Kundi Jan 17 sa Jan 19. Paghandaan natin ito mga kamana. Malaki ang maitutulong nito sa ating mga adhikain.
Noong nakaraang Miyerkules nag meeting nga pala tayo sa Pasay Cockpit. At inumpisahan na nating binuo ang management team ng Mana sa Metro Manila-Calabarzon area.
Inaasahan na sa Dec 20-21, kung kailan may pagpupulong at seminar na naman tayo, ay makukumpleto na ang ating pag organisa. Kailangan na ito dahil marami na tayong gagawing mga proyekto sa darating na taon.
Sa Bicol ay pinagbigay alam ni kamanang Jessie Abonite at kamanang Boying Santiago na may Mana 3-cock fastest kill ulutan sila sa Iriga City sa Enero 16. halos kasabay ito sa unang Mana fastest kill sa Pasay
Sa Cebu ay may trainors seminar tayo na gagawin sa Dec 13-15. Bago tayo pupunta ng Maynila. Mag-train tayo ng mga coordinators upang may kaalaman sila sa pagpapalahi, pagkundisyon at health management ng manok upang maipamahagi nila sa kanilang mga members.
Hindi na kailangan na sa atin pa o sa iba magtanong ang mga miembro kung ang kanilang coordinators ay marunong na.

Gud pm may sisiw po ako 23 pcs. 2-day old pagka gabi nilalagay ko sa kahon kasi wala pa po me ilaw di po kaya maka apekto ang amonia pag kinukulong ko na sa kahon?( Jeff 3-000)
Oo kamana, makakasama sa sisiw ang amonia. Hindi mabuti kong ang kinalalagyan ay walang gaanong ventillation. Huwag mong itagal sa ganyang sitwasyon kamana. Parami nang parami ang ipot habang palaki ang sisiw.
Palaging sa malinis na brooder ilagay ang mga sisiw.

Dito sa Manwal natin ask ko lang kung pwede hindi na gumamit ng grower maintenance pellets kundi ang mga high protein pellets na lang na nakalagay doon sa Manwal? Thank you (George Garcia 001709)
Oo kamana. Mas maige kung mga high protein pellets ang gamitin. Kaya lang tataas ang cost ng ating feeds.
Kung puro high protein pellets ang gamitin natin tataas ang bahagdan ng protein kaya pwede nating dagdagan naman ang proporsyon ng grains sa ating mix.

Kamana ask ko lang kung pwede ba painumin ng tubig ang manok kahit may sipon? (Ronulfo Arruejo, MANA Sampaloc chapter)
Pwede naman kamana. May mga gamot nga sa sipon na hinahalo sa tubig at pinapainom sa manok. Mahalaga ang tubig kamana lalo na kung tag-init.




Rey b art666
Nov 30
Mahalaga ang disposisyon ng manok
Kamana may bisyo ang panlaban, 2 yrs old, quality at mahusay. Pero may time na ayaw lumaban kahit sa bitaw. Sumpungin. Di kaya ito delikado ilaban at baka tumakbo? (Bert 001070)
Talagang delikado kamana. May mga manok na ganyan. Paminsan-minsa’y di lumalaban, ngunit, sabi ng iba pag ang mga ganito ay lumaban hindi ito tatakbo.
Kahit na, kamana, iwasan pa rin ang mga ganitong manok. Kahit na hindi ito tatakbo, halatang may personality defect ito. Tama ka, kamana, sumpungin. Malimit kulang sa gameness o paiba-iba ang disposisyon.
Kahit hindi ito tatakbo malamang kulang sa focus o kaya’y pagnanais na pumatay.

Kamana may alam ka ba na pwede nating gamitin para pang-tanggal ng bulate sa mga mata ng mga manok? (JRM 001898)
Mayroon kamana. Para sa mga ganitong katanungan kamana e-text nyo si Doc Jun, 0928-502-5957. Sabihin nyo kamana na member kayo ng Mana.

Gud pm kamanang Rey. Tanong ko lang kung anong mabisang gamot laban sa peste ng manok? Salamat po. (04:37:25pm Nov 27, 2008)
Anong uri ng peste kamana? Kung ang tinutukoy mo ay ang avian pest o newcastle disease (NCD), wala itong gamot pag nadapuan na ang manok. Bakuna lang ang panangga natin laban dito.

Good am sir Rey di po ba dapat iluto ang pakain ng manok para di makakain ng aflatoxin kasi kahit na sa pack meron nito? (ENZ 001284)
Ang iba niluluto nila kamana. Pero may mga sangkap kasi na pag niluluto ay hihina ang bisa. At saka dagdag gawain ang pagluto kamana at hindi madali lalo na kung marami ang ating alagang manok.
Ang mga bagong pakain ngayon ay may additives na panlaban sa toxin. Ganoon man, magingat pa rin tayo sa pagpili ng bibilhan na pakain. Hugasan natin maige ang grains bago ihalo sa pellets.
Kung may sobra tayong pakain na di maubos sa pagbigay, sa refrigerator ilagay. Kundi, tangpan ng maige para di madaling ma-contaminated.

Gud am kamanang Rey. Okey rin po bang gamitin ang conditioning pyramid kahit sa mga 8 months old stags? Thanks. (NL 001059)
Oo kamana okey lang ang ating conditioning pyramid kahit sa mga stags kamana. Pag-aralan lang mabuti ang nasa Manwal ng Mana sa Makabagong Pamamaraan sa Pagpili at Pagkundisyon.
Kung maunawaan nyo na ng husto, makakakita kayo ng iba’t-ibang pamamaraan para gawin ang layunin natin sa bawat baitang ng conditioning pyramid. Hindi na kailangan na sundin ninyo isisa ang pinagagawa natin doon.

Gud pm po sir Rey, ang manok ko palaging maputla ang mukha. Ano po kaya ang dahilan? Ano ang dapat kong gawin? (Pompy Canulo)
Anemic, malamang yan kamana. Bigyan natin ng b complex, iron at iba pang bitamina at mineral. Purgahin at paliguan ng anti mite para maalis ang mga parasites. I-bacterial flushing din natin para mawala ang mga mikrobyo sa loob ng katawan.
At, baka palaging nasa kulungan yan kamana? Ilagay natinsa mas angkop na kapaligiran. Kung may damuhan doon natin i-cord. Mas maige na sa lugar na may lilim ngunit may init din para makapili ang manok kung saan nya gusto.

B-meg Supports Mana program

B-meg feeds, of San Miguel Corporation, maker of Derby Ace and Integra feeds lines for gamefowl, pledged support for the Mana gamefowl dispersal program.

Kamana Jun Santos, a prime mover of Masang Nagmamanok (Mana) organization, and B-meg distributor sales representative for Metro Manila announced.

The Mana gamefowl dispersal farm is in Teresa, Rizal. The farm will serve as breeding area that will produce the breeding materials to be distributed to deserving members.

Santos will also manage the operation of the farm.

Initially the farm will breed materials from RB Sugbo Gamefowl Technology of Rey Bajenting, gamefowl breeder, columnist and author, who is also a prime mover of Mana.

Later it will acquire materials from other famous breeders.

The objective of the program is to provide common sabungeros who want to breed with high quality materials that otherwise are too costly for them.

The program will exclusively use Derby Ace and Integra feeds.

Mana is a Philippine-wide organization of common sabungeros that aims to preserve and promote sabong as sport and cultural heritage.

MANA Kill-Quick Series kicks off Jan 21

The Masang Nagmamanok (Mana) will hold a series of monthly 1-cock fastest kill ulutan at Pasay Cockpit in Pasay City, Metro Manila, Philippines.

The first of the series is scheduled for Jan 21, 2009.

Dubbed as Kill-Quick Series the cockfights is also a welfare program of Mana. Proceeds of this series will fund Mana's gamefowl dispersal program and members benefits.

Kamana Anthony Espinosa, a regular kasador at Pasay Cockpit and a prime mover of Mana will manage the series.

The program is expected to draw support from the organization's 19 chapters in Metro Manila and nearby areas. Mana is a nationwide organization of common sabungeros. Mana already has chapters in eight of the country's 16 regions.

Each of the 12 monthly cockfights will have a guaranteed prize of at least P150,000. The Kill-Quick fighter of the month will receive P20,000 and the Ring of Excellence worth P10,000, in addition to any of the fastest kill prizes that he might win.

The kill quick fighter is the one who will log the fastest aggregate time of three straight wins, provided the total time is under two-minutes.

Espinosa is also the head of Mana's chapter in Pasay. He may be contacted at 0906-238-8363.






Sali na!!!
MANA Kill-Quick Series
Every 3rd Wednesday of the month
From January to December, 2009


Masang Nagmamanok (MANA)
Kill-Quick series- 1
(1-cock fastest kill ulutan)
Jan 21, 2008, Pasay Cockpit

Fastest kills overall:
1st ---- P15,000
2nd ---- 10,000
3rd ---- 5,000
4th ---- 5,000
5th ---- 30,000
Slowest kill : P10,000
Total -----------------------------P 50,000
Fastest Kill
sa bawat sampung (10) sultada
mula sultada no. 1 to 50.--- P5,000
Total------------------------------P 50,000

Fastest kill sa bawat 5 sultada
mula sultada 51
hanggang 70 --- P5,000

Total --------------------------P 20,000

Plus!!!
Be the Kill-Quick Fighter of the Month
and proudly own and wear the Ring of Excellence

Kill-Quick Fighter of the Month ---- P 20,000
plus Ring of Excellence ( Singsing ng Kagalingan) worth 10,000
Sa maka-tatlong straight na panalo at ang total
time ng tatlong panalo ay hindi aabot ng 2 minuto.
Kung sobra sa isa ang maka tatlong straight na panalo
na ang total time ay di umabot ng 2 minuto, lahat silay
maghatihati sa cash prize. Ngunit ang singsing ay mapupunta
sa may pinaka-mabilis na total time ng tatlong panalo. Siya
Ang tatanghaling Mana Kill Quick Fighter of the Month
(Kung walang manalo sa buwan na ito, ang kill-quick award
sa susunod na buwan ay P40,000 na. Kung hindi pa rin
makukuha sa susunod na buwan ang premyo ay P60,000 na.
Ang ano mang halaga para sa Kill Quick Fighter of the Month
na hindi makukuha ay idadagdag sa P20,000
na para sa naturang buwan.)

Total prizes----------------------------------------------------- P150,000

(Prizes for the Mana Kill Quick fighter of the year and additional benefits will be announced later)

Ang MANA
Ang Masang Nagmamanok (MANA) ay isang pambansang kilusan at samahan na binuo upang ipagtanggol ang sabong laban sa mga may gusto na ito’y gawing labag sa batas maging dito sa Pilipinas tulad ng nagyari sa iba’t-bang bansa.
At upang pangalagaan ang kapakanan ng mga masang sabungero na siyang gulugod o backbone ng industriya ng sabong.

Suportahan nyo po ang MANA at ang ating mga layunin.
Magbasa ng Pahayagang Tumbok.
Makinig sa “Boses ng Masang Nagmamanok” 8-9 ng umaga bawat sabado sa DZSR Sports Radyo 918hz. (Maiden nationwide broadcast on "Araw ng Mana," Dec 20, 2008)
Bumisita sa tilaok.blogspot.com sa internet.

LLamado Tayo Nov 13-20, 2008

Rey b art639
For nov 13
Balik Cebu
Balik na po tyo sa Cebu mga kamana, pagkatapos ng mahigit isang linggo nating pagbisita sa iba’t-ibang lugar na may kaganapan kaugnay sa Masang Nagmamanok o Mana. Sa Kamaynilaan tayo nagtagal dahil doon ang pinakamarami nating gawain.
Nagkaroon ng entry ang Mana sa Bakbakan eliminations noong Nov 6 sa Pasig. Ngunit isa lang ang nanalo at dalawa ang natalo.
Ang pagkatalo nating yon ay sobra namang binawe ng magandang kinalabasan ng ating seminar at pagpupulong noong Nov 8.
Napakaganda ng talakayan natin sa nilalaman ng Manwal ng Mana sa Makabagong Pamamaraan sa Pagpili at Pagkundisyon. Ito rin ay dahil napakagaling ng mga katanungan na galing sa ating mga kamana na nakabasa na sa nasabing Manwal. Kasama po natin sa pagsagot sa mga katanungan si Dra. Nieva Arieta, at ang isa sa mga magagaling na technical man ng RB Sugbo si kamanang Marlon Mabingnay.
Tumulong din po si Boss Manny Berbano na nagbigay ng kanyang mga kaalaman at karanasan sa pagmamanok.
Masabi natin na matagumpay ang seminar na yon bagama’t kinapos ng panahon. Nagumpisa tayo ng wala pang alas 9 ng umaga at natapos lampas alas 6 ng gabi. Ngunit kinapos pa rin ng panahon. May mga mahahalaga pang bagay na hindi natin natalakay.
Kung sa bagay kung kinapos man tayo sa seminar, ang ating pagpupulong ay nagbunga ng mga magagandang bagay. Kahapon naisulat natin dito na isa sa nakinahangtungan ay ang paguusap namin ni mang Roming Vergara ng pasay cockpit na simula Enero ay magkakaroon ang Mana ng isang pasabong bawat buwan sa nasabing sabungan.
Isa pa po ay na magkakaroon na tayo ng area para sa ating gamefowl dispersal program. Dulot po sa magandang loob ni kamanang Col. Tito Corpuz. Agad po nating pinuntahan ang area sa Teresa, Rizal at nagustuhan natin. Angkop sa ating hinahanap.
Paghanda na po ang lugar, magpapadala agad tayo ng mga materyales o broodfowl. Nangako rin po si Boss Manny na tutulong pagdating sa materyales pang-breeding.
May mga marami pang mungkahi si Boss Manny at ang mga ito ay pagaaralan ng core group.
Umuusad na talaga tayo mga kamana. Dahan-dahan lang ngunit kita na ang pagusad ng Mana.
Ngayong Sabado ay magpupulong ang core group at isa sa mga tatalakayin nila ay ang ating programa sa radyo.
Ang tatlong proyektong ito—pasabong, gamefowl dispersal at programa sa radyo-- ay napakagandang balita para sa ating mga kamana.
Ang iba pang napagusapan sa pagpupulong ay:
1. Na lalong pagpatibayin ang mga chapters at ipatuloy ang paghikayat ng bagong mga kasapi;
2. Na sana’y magkaroon pa ng 2-day stay-in seminar upang hindi kapusin sa panahon. Hahanap tayo ng sponsor sa seminar na ito. May magandang venue na alam si kamanang Marlon sa Nasugbo, Batangas.
3.Na magkakaroon ng munting kaganapan sa Dec 20 bilang Mana Day. Ito kasi ang anibersaryo ng Llamado Tayo sa Tumbok. At, ang Llamado Tayo ang naging tulay sa pagbuo ng Mana.
Sa awa ng Diyos, mga kamana, unti-unti nang nagiging konkreto ang ating mga inaasam. Makakapit natin ang ating layuning mga kamana pamamamagitan ng inyong suporta.
Ang suporta ng mana ay hindi lang galing sa core group, sa mga aktibong dumalo sa mga seminar at pagpupulong, kundi galing din sa libo-libong nagbabasa ng tumbok at nagmamasid lang ngunit buo ang suporta sa ating mga layunin.
Sa inyong lahat maraming salamat.



Rey b art640
For nov 14
Fastest –Kill ulutan lang muna
Kamana hindi po ako nakadalo sa advanced seminar noong Nov 8. Nanghihinayang po ako dahil sabi ng isang kamana natin napakaganda daw ng talakayan. Praktikal at maging ang mga teknikal daw. Kailan kaya magkakaroon uli ng ganoong seminar? (GH 4-0156)
Oo kamana. Dahil na rin sa napakagandang mga katanungan ng ating mga kamana.
Maganda talaga, pero kinapos tayo sa panahon, Hindi nga natalakay ang pagpatuktok at ang conditioning pyramid. Bagaman napagusapan ng husto ang glycemix index at carboloading.
May balak sina kamanang Marlon Mabingnay at kamanang Joel Guimaray na magkakaroon tayo ng ganoong seminar sa Nasugbo, Batangas. Sisikapin natin mga kamana na magkakaroon tayo sa December kundi sa January.
Pansamantala, basahin nyo muna ng maige Ang nilalaman ng Manwal ng Mana sa Makabagong Pamamaraan sa Pagpili at Pagkundisyon. Nasa Manwal kasi ang pundasyon ng ating pamamaraan na tatalakayin sa mga pa-seminar natin.
Ang wala pang Manwal pwedeng diretsa kayong mag-order sa atin o kay kamanang Marlon, 0929-723-3573 o kaya’y kay kamanang Dan 0910-485-2134.
Habang wala pa ang seminar patuloy lang po kayong magtanong pamamamagitan ng pag text o kaya’y bisitahin nyo ang blog ng Mana, ang tilaok.blogspot.com sa internet.
Dapat po mga kamana, sa susunod na seminar workshop natin ay di na tayo kakapusin sa panahon. Kaya ang balak ay 2-day stay-in seminar tayo. Dalawang buong araw at isang gabi.
Sabi ni kamanang Bhong Ferreras na tamang-tama ang dalawang araw na seminar at may isang gabi pa tayo na maka-pagbonding ng husto. Ang mungkahi nya po ay maghanap tayo ng sponsors para sa venue at iba pang speakers para ang sasagutin ng mga miembro ay ang pagkain na lang.
Bright idea kamanang Bhong dahil ang pagkain ay hindi naman dagdag-gastos kasi kahit wala tayo sa seminar kakain din tayo.

Gud day kamanang Rey. Kailan po ang unang pasabong ng Mana sa Pasay at nang mapaghandaan. At ano po ito derby o ulutan? Hindi pa po ako membro ng Mana pero talagang balak kong magpa-membro. ( 08:57:12am Nov 13 2008).
Maraming salamat kamana.
Wala pa pong tiyak na petsa pero simula Enero may isang pasabong tayo sa Pasay cockpit bawat buwan.
Sa unang pasabong natin, Enero po yan, ay fastest-kill ulutan. Napakaganda raw po ng regular na fastest-kill ulutan nila sa Pasay bawat Miyerkules. Kaya ganoon na lang din muna ang ating gagawin.
Sisikapin lang natin na makakuha tayo ng suporta sa ating mga kamana. Napakarami po natin sa Metro Manila. Kahit ilang porsyento lang sa atin ang magdala ng kahit isang manok lang bawat isa, napakasaya na.
Sisikapin din po natin na may mga sponsors na makapagbigay ng dagdag na give-aways maliban sa regular na premyo sa fastest kill.
Gagawin din po natin na manghikayat ng mga bagong membro sa bawat pasabong natin sa Pasay. Sa kasalukuyan kung may nais sumapi sa Mana na taga dakong Pasay maaring i-text nyo na lang kay kamanang Anthony Espinosa, 0906-238-8363.

Gud am kamana. Maraming dagdag ang seminar sa natutunan ko na. Sa seminar po ay talagang pinangalanan nyo ang mga gamot na ginagamit nyo po. Sana po kahit dito sa Tumbok ay pangalanan nyo rin ang mga gamot. Mas madali kasi kapag-bumili na alam natin ang brand name kaysa yong generic lang.
Nakalimutan mo atang ilagay ang Mana number mo kamana.
Nagkataon lang siguro kamana, pero ang paksang ito ay pinagusapan namin ni kamanang Dan kahapon lang.
Alam mo naman kamana na kaya napaka- libre nating tinalakay ang kung anu-anong brands na ginagamit natin at pwedeng gamitin o i-substitute, dahil wala tayong sponsors sa seminar na yon. Wala pong anuman masamang masasabi ang tao sa atin na kaya ganoon ay dahil ganito o anu-ano.
Ngunit iba ang sitwasyon sa Tumbok kamana. Una talagang hindi po siguro bagay na basta lang mag-plug tayo ng mga brand names dahil baka lalabas na libre advertisement na ang mga ito. Kasali po sa revenues o kita ng Tumbok, o kahit ng ibang pahayagan, ang kinikita sa advertisements. Yon bang mga patalastas o print ads na lumalabas sa pahayagan. Unfair po sa Tumbok na tayo ang parang nagbigay ng libreng ads.
Pangalawa, ang totoo may panahon noong bago pa lang ang Llamado Tayo, na sinasabi natin dito ang mga brand names. Ngunit may isang kumpanya na nakapuna at tinawag po ang pansin ng editor natin. Tama naman po ang pagpuna nila kaya mula noon nag-maintain na tayo ng generic-only policy para fair po sa lahat.
Sa Manwal at sa seminar walang problema dahil atin ang mga yon, at wala tayong sponsor na kinuha.






Rey b art641
For nov 15
Una sa serye ng boy scout keep
Sa ating advanced seminar sa nilalaman ng Manwal sa Pagpili at Pagkundisyon noong Nov 8 may iilang bagay na tinalakay natin na wala sa manwal. Kabilang sa mga ito ay ang ating boy scout keep.
Napakarami ang naghiling na isama natin ang paksang ito sa seminar. Kaya tinalakay natin ang boy scout keep.
Sa nakaraang mga araw matapos ang seminar marami sa ating mga kamana na hindi nakadalo ang humiling na ilathala natin ang naturang paksa para naman sa kanila na hindi nakadalo at kinwentuhan lang ng mga kaibigan na nandoon sa seminar.
Bilang tugon ay ilalathala natin ito. Ito naman talaga ang layunin natin ang mamahagi ng kaalaman sa lahat na nagnanais.
Abangan nyo lang palagi dito sa Tumbok dahil halos lahat na mapagusapan sa ating mga seminars, pagpupulong at maging ang mga nilalaman ng Manwal at iba pa ay isusulat natin dito alangalang sa ating mga suking mambabasa ng Tumbok na walang panahon dumalo sa mga seminars at meetings.
Ang boys scout keep ay unang lumabas sa magasin “Llamado,” ang sister-publication ng Pit Games may ilang taon na rin ang nakaraan. Mula noon ay nagkaroon ito ng mga dagdag at kunting pagbabago at nailathala na rin sa ating blog, dito sa Llamado Tayo at sa iba pang babasahin.
Muli nating ilalathala ang boy scout keep dito, kasama na ang mga dagdag at pagbabago na bunga ng ating talakayan noong Nov 8.
Simulan natin sa labas na ito ang maikling serye ng boy scout keep.

Ang boy scout keep ay isang pamamaraan kung saan ang isang manok ay laging handa. Bagay ito sa atin na mga karaniwang sabungero. Mga sabungero na malimit sa hack fights lang lumalaban. Di sila pumupusta ng malaki. SA katunayan di nila alam kung kailan sila magkaroon ng pamusta at nang mailaban ang kanilang mga manok. Kaya kailangan talagang ang manok ay laging handa at puwedeng ilaban ano mang oras na kakayanin na nang bulsa.
Ang mayayaman ay laging handa ang mga bulsa kaya wait na lang sila kung kailan handa ang manok. Tayo naman dapat laging handa ang manok at wait tayo kailan handa ang bulsa.
Una sa lahat, purgahin ang mga manok at paliguan ng anti-mite shampoo. At saka tingnan kung di ba sobrang bigat o payat ang mga manok. Kapag ayos lang, samakatuwid ay handa na sila isabak sa ating Boy Scout Keep.
Dahil common man's keep nga, ito ay matipid sa pera, sa panahon, at sa lugar. Kaya natin itong gawin kahit nag-iisa. Ang kakailanganin lang ay ang cord o talian na hindi aabot sa P20 ang halaga; 3x3 folding wire pen na mabibili sa halagang P200; kulungan na suguro'y gagasta ka ng P100 bawat isa; at maliit na sulok sa iyong bakuran na mai-ilawan kung saan pwede mong pakainin at bahagyang i-exercise ang manok kung gabi. Dahil hindi naman tayo mapera at walang sapat na lugar hindi na tayo gagasta pa para sa conditioning at running pens, flying pen, pointing pen, scratch box, training table at iba pa. ( abangan bukas ang ika-2 sa serye ng boy scout keep)
Kamana gud pm. Nakalagay dito sa manwal na pwede palang samahan pa ng inahin ang manok na hinahanda. Di po ba ito manghihina? (RTB 4-0211)
Hindi naman kamana. Makakabuti sa psychology ng manok yan. At maging physically. Ang mating po ay naka-karelease ng tensyon. Huwag naman yong sobrang malapit na ang laban.
Dalawang oras na may kasamang inahin isang beses o kahit sa dalawang magkasunod na araw, dalawang linggo bago ang laban ay hindi masama kamana.









Rey b art642
For nov 16
Boy scout keep
( Ika-2 sa serye)
Ang pagkain naman natin ay karaniwang grain concentrate at pigen pellets lang o kaya’y yong GMP. Siguruhin lang na ang pigeon pellets ay may mataas na crude protein contents o mataas ang porsyento ng protina.Kung ang isang kilo nito ay hahaluan natin ng isang kilo ring concentrate magkakaruon na tayo ng pagkain na may 15-16% protein, tulad ng mga pre-mix maintenance feeds na mabibili sa mga agrivet supplies.
Dahil walang siguradong schedule ang laban ng ating manok, dapat ay ito ay isang boy scout, laging handa. Mas mainam na sa kulungan lang ito patulugin sa gabi upang hindi mabasa kung umulan at mahirap pa nakawin. Ilabas ito kina-umagahan mga bandang alas singko ng umaga at ilagay sa talian.
Bandang alas-sais ikahig ito ng dalawa o tatlong minuto. Kung ikaw lang mag-isa at wala kang katulong sa pagkahig doon mo na lang ikahig sa isang manok na nakatali. Yung hindi pa ilalaban o isang reject o baldado na. Pagkatapos ay ilagay mo sa 3x3 na may lamang tuyong dahon ng saging. Bigyan ng iilang pirasong cracked corn at pabayaang mag scratch ng 10 o 15 minuto. Pagkatapos ay ibalik ito sa cord.
Pakainin alas-siyete at huwag kalimutang bigyan ng tubig. Pabayaan lang sa talian hanggang tanghali. Kung ikaw ay may pasok siguruhin na palaging may masisilungan ang manok sakaling uminit o umulan. At ihabilin sa iyong asawa o anak o sino man ang maiiwan sa bahay na tingnan at siguruhin na walang aksidenteng mangyayari sa manok.

Mas mainam kung ikaw ay makakauwi sa tanghali. Pag-uwi mo sa tanghali hilamusan agad ang manok at ilagay sa 3x3 na may tuyong dahon ng saging at bigyan ng kaunting tukain at hayaang kumahig habang ikaw ay nananghalian. Kung ako, doon ako kakain sa harapan mismo ng manok. Hindi lang na mas gaganahan akong kumain pag may manok na nakikita, mapagmamasdan ko pa ng husto ang kondisyon ni tinali. Pagkatapos ay ibalik sa cord at doon na ito buong maghapon.
Pagdating mo sa hapon pakainin ang manok. Kung ang uwi mo ay palaging maaga at may araw pa duon nalang pakainin sa cord. Pagkatapos hayaan mo sa talian. Pag itoy humapon na ibalik sa lupa at hayaang humapon uli. Ulit-ulitin ng apat o limang beses ang pagbaba sa gayon ay mapilitan itong lumipad at humapon uli pabalik at ma-ehersisyo ng husto. Pagkatapos hayaan mo nang humapon at magpahinga ng mga 30 minuto o isang oras bago ipasok sa kulungan.
Ganito lang ang gagawin mula Lunes hanggang Biyernes. Tuwing Sabado ipahinga mo na si manok matapos ang pananghalian. Ilagay mo na sa kulungan buong hapon at ilabas mo sandali sa oras ng kanyang pagkain sa hapon. Sa Linggo, ilabas mo ito at ilagay sa cord mga alas-sais ng umaga. Pakainin mo alas-siyete at paglipas ng 30 minuto ibalik sa kulungan. Handa na si manok kung sakaling ilalaban mo sa araw na ito. Kung hindi mo ilalaban dahil kulang ang pamusta mo o kaya natalo ka sa ibang manok, ibitaw o ispar mo itong bandang alas-tres o alas-kwatro ng hapon. ( Abangan bukas ang wakas ng serye)

Kamana gud am, pwede kayang makahingi ang mga kamana ng 50% discount sa pinto ng Pasay cockpit? ( 08:24:12am Nov 13 2008)
Huwag siguro kamana dahil sa dami natin baka sa halip na makatulong tayo sa sabungan na nais tumulong sa atin, ay malugi pa ito. Sapat na siguro kamana na bibigyan nila tayo ng isang pasabong bawat buwan.
Pwede kasing abusahan yan kamana. Kung gagawin nila yan tiyak marami sa regular na nagpupunta sa Pasay cockpit ay sasali sa Mana dahil lang sa discount at hindi talaga dahil sa pakikipagisa sa ating layunin.
Protektahan din po natin ang interest ng mga taong tumutulong sa atin kamana.











Rey b art643
For nov 17
Boy scout keep
( Katapusan ng serye)
Tandaan lang maigi ang sumusunod:
1. Ang ating normal na pagkain ay parehas ang halo ng concentrate at pellets. Isang sukat bawat isa. Ngunit sa tatlong huling pagpakain bago ang laban ay gawin mong 1 sukat ng concentrate, kalahating sukat ang pigeon pellets at lagyan mo nang kalahating sukat na cracked corn. Umpisa mo itong ibigay Sabado ng umaga. (Carboloading ito. May iba ring sistema na hindi na gumagamit ng ganitong pamamaraan sa carboloading. Tingnan sa Manwal)
2. Kung sa tantiya mo ilalaban mo si manok maaga-aga sa Linggo, kalahati o 1/3 nalang ng kanyang nakasanayan na dami ang ibigay mo sa Linggo ng umaga.
3. Huwag kalimutang paliguan ito kinabukasan kung ito ay ibinitaw mo sa halip na ilaban.
4. Painumin ng tubig kahit sa araw ng laban. Sa derby may schedule na sinusunod at ang manok ay nasa kulungan lang namamahinga habang naghihintay sa oras ng laban. Dahil dito pwede mong kontrolin ang moisture nito para eksakto ang pointing. Pero sa hack fight hindi mo alam kung kailan mailaban ang iyong manok at maliban pa, kailangan niya ng moisture sa ulutan dahil malamang na mainit at lagi pa itong hinahawakan habang inuulot. May init ang kamay ng tao.
5. Bigyan ng mumurahing multi-vitamins ang manok mo isang tableta bawat Lunes, Miyerkules at Biyernes. At mumurahing B-12 tablet naman yung 100mcg lng , tuwing Martes, Huwebes, at Sabado. Ang mga tabletang ito ay hindi aabot ng piso ang halaga bawat isa.
6. Hilamusin ng kaunti ang mukha ng manok at basain bahagya ang sa puwetan, gilid at paa tuwing umaga, tanghali at sa gabi pagpakain.
7. Tandaan mabuti ang hipo ng manok saan pinakamagaling siyang lumaban pag-inispar. Ang manok na underweight, payat o kaya masyadong tuyo ang katawan karamihan ay mahinang pumalo, walang lakas at wala sa timing. Ang overweight, sobra sa tigas ng katawan o kaya sobra ang basa ng katawan naman ay mabagal kumilos at medyo short ang palo. Ngunit may mga manok na gusto ang medyo payat o medyo mataba kaya ang pinakamaigi pa rin ay sundin ang hustong timpla saan ang manok ay kikilos ng maigi overweight man siya o underweight ng bahagya.
Maari rin na sa Sabado at Linggo ang pamamaraan sa pagpatuktok na tinuturo ng Manwal ang ating sundin. Ang binibigay natin sa halip carboloading ay ang ating quick energy loading gamit ang creatine, ribose at mga high glycemic na pakain. (wakas ng serye)

Gud pm sir. Ang pasabong sa Pasay cockpit ay Linggo, Lunes, Martes at Miyerkules. Sa ibang mga araw ng isang linggo saan naman po kami pwedeng magpunta. ( 12:45:15pm Nov 12 2008)
Hindi natin memoryado ang schedule kamana. Ang alam ko sa Laloma ay Huwebes hanggang Linggo. Ang Pateros Coliseum ay Huwebes hanggang Lunes.

Gud am sir RB. Hindi po ba masama sa sisiw na bigyan ng pakain na mataas ang crude protein? (RSM 001239)
Kailangan ng sisiw ang mataas na CP sa unang dalawang linggo mula pagkapisa. Chick booster ang ibigay natin. May CP ito na aabot 22%. Simula pangatlong linggo dahandahan na nating ibaba ang CP.
Haluan lang natin ng corn grits at dahandahang pag-introduce ng junior starter o kaya’y baby stag developer. Pagdating ng dalawang buwan stag developer na. pwede nating haluan ng pigeon pellets nang tayo’y makatipid.
Rey b art644
For nov 18

Gud am sir rey tungkol po sa conditioning pyramid sa peaking period. Ilang sipsip ng tubig ibibigay sa manok sa araw ng laban? Sa peaking period po ba ay wala nang halo ang ipainom na tubig. Plain water na lang ba?( RSM 001239)
Sa peaking period kamana ay walang limit ang tubig. At, oo plain water na lang kasi marami na tayong vitamin supplementation sa peaking period, di na kailangang haluan pa ng MVE ang tubig.
Sa araw ng laban lang natin kinokontrola ang tubig kamana. Mga limang sipsip sa umaga, lima sa tanghali at 3 sa hapon, tama na.

Gud pm po kamana. Ask ko lang po kung pareho lang ang b complex at b50 na vitamins. Salamat po. Meron po kasi akong nabili sa botica na b complex 100mg. P1.70 ang isa. Balak ko na po kasing palitan ang dati kung ginagamit na b50. Mahal po kasi. (Jeff 3-0001)
Yes, pareho lang kamana. Ang b50 ay b complex vitamins na 50mg. Okey yang ginawa mo kamana, nang makatipid. Hatiin mo ang tabletang nabili mo at ibigay ang kalahati sa manok every other day.
Kahit na pang tao yang nabili mo okey lang dahil alam na natin ang tamang dosage. Ang b50 na pang manok ay sa totoo ay 25mg lang kaya b50/2 ang nakatatak. B50 lang ang tawag nila for marketing purposes dahil mas kilala ang b50.
Samakatuwid 25mg every other day ay tama na dahil ang rekumendasyon ng gumawa ng b50/2 na pangmanok ay 1 caplet every other day man din.

Gud am kamana tanong ko lang po kung ano dapat gawin sa manok na walang ganang kumain. Maganda pa naman sana na manok kaya lang mahinang kumain at payat. (09:08: 20am Nov 15, 2008)
Sa mga ganito kamana, ang gawin ay purgahin, paliguan ng anti-mite shampoo, patakan ng anti-eyeworm ang mata. Dahil ang mga parasites ay maaring sanhi ng pagkatamlay at pagka-walang ganang kumain.
Bigyan din ng antibiotic o i-bacterial flushing at baka me sakit na hindi pa nag-manifest.
Pagkatapos bigyan ng multivitamins maintenance.

Kamana si Rey ho ito ng Sampaloc. Marami na kaming sabungero dito. Papaano ho ba magkaroon ng chapter dito? (01:12:59pm Nov 14, 2008)
Kamanang tukayo, me coordinator tayo dyan sa Sampaloc, si Kamanang Loreto. Hindi lang nakadalo sa seminar at pagpupulong noon Nov 8 kaya di natin nakuha ang kasalukyang sitwasyon dyan sa inyo.
Kung gusto nyo magtatag kayo ng sarili nyong chapter. Pagkatapos i-register natin lahat ng membro at ang inyong chapter.
Salamat sa inyong pagnanais na maging bahagi ng Mana. Malaking tulong ang inyong suporta kamana.

Sir rey kailan uli magkaroon ng seminar dito sa manila kasi di ako naka attend. (EDL 001165)
Huwag magalala. Marami pang pagkakataon kamana. Sa bilis at dami ng mga bagong nagpamembro magiging sunod-sunod na ang ating mga paseminar. At saka sisikapin natin na sa bawat seminar ay may bagong matutunan ang mga dadalo para kahit kayo’y nakapagseminar na, mag enjoy pa rin kayong dumalo muli.
Doon nga pala sa nga taga-Metro Manila na malimit pumasok o naglalaban sa sabungan may chapter na tugma sa inyo. Magtext lang kayo kay kamanang Anthony Espinosa, 0906-238-8363.
Si kamanang Anthony ay isa sa maga kasador sa Pasay Cockpit. Ang mga activities ng chapter na ito ay maari nating i-disenyo para sa mga malimit magsasabong.
May iba’t-ibang uri kasi ng masang sabungero. May nagpapalahi, may nagkukundisyon at handlers, mayroon namang malimit na nagpapasok sa sabungan. Kaya mabuti sigurong gumawa tayo ng mga chapters na binubuo base sa mga naturang klasipikasyon.





Rey b art645
For nov 19
Tamang timbang
Gud pm sir. Ano po ba ang magandang weight ng manok na ilalaban sa hackfight, yon po bang magaan o mabigat? (RSM 001239)
Ano ba talaga ang tamang timbang ng manok.?
Marami po ang nagtatanong sa text ng ganito. Ang ibig po siguro nilang malaman ay kung mas maige ba na magaan ang manok o mas maige ang mabigat.
Depende po sa manok kung ano ang kanyang fighting weight o timbang kung saan magaling ang kilos nito. May manok na gusto na magaan, at may manok na mas magaling ang galaw kung medyo mabigat ang timbang nila.
Naitanong din po ito sa ating advanced seminar noong Nov. 8. Hindi daw kasi natin naisulat sa Manwal ng Mana sa Makabagong Pamamaraan sa Pagpili at Pagkundisyon ang paksang ito.
Ang tanong nila sa seminar ay katulad nitong tanong ng kamana natin kung ano ang dapat na timbang ng manok kung derby at kung ano kung sa hackfight ang laban.
Ganito po. Kung sa derby hanapin natin ang pinakamagaan na timbang kung saan magaling parin ang galaw ng manok sa pakipaglaban. Kung sa hackfight naman kabaliktaran. Hanapin natin ang pinakamabigat na timbang na magaling parin ang galaw ng manok.
Sa derby kasi by weight ang matching. Kung magaan ang ating manok, maari itong lumabas na mas malaki kaysa kalaban, kung ang kalaban ay pangkaraniwan o mabigat ang timbang. Ngunit, tandaan, dapat magaan na magaling pa rin ang galaw. Huwag isakripisyo ang kagalingan sa pakikipaglaban upang umangat lang ng kaunti sa laki.
Sa ulutan naman dahil tinginan lang ang matching, lamang tayo ng kaunti kung mabigat ang ating manok dahil malamang na lalabas na mas mabigat ang timbang nito kaysa sa kalaban. Ngunit, ganoon pa rin huwag isakripisyo ang galaw para lang lumamang ng kaunti sa timbang.
Ang totoo nga kung may alinlangan alin ang mas maige sa isang partikular na manok, ang mas mabigat ng kaunti o ang mas magaan, mas mabuti na sa mas mabigat ng kaunti tayo. Ito ang mas “safer side”
Ang bigat kasi, basta hindi lang dahil sa taba kundi dahil sa laman, ay nakapagdagdag ng tibay. Samantalang ang magaan ay maaring dahil ito’y sobra ang pagka-tuyo at mas maraming maging komplikasyon.

Kamana, kinapos tayo sa panahon noong seminar. Ang ganda sana ng talakayan. Napakaganda kasi ng nilalaman ng Manwal na tinalakay natin. Isa pa po sana sa gusto kong itanong ay kung ano ang dapat na bigat ng tari. (Mana 4-0086)
Oo nga kamana kapos sa panahon. Di bale basahin nyo lang maige ang Manwal ng Mana sa Makabagong Pamamaraan ng Pagpili at Pagkundisyon at talagang malaki ang maitutulong nyan sa inyong pagmamanok.
Magkakaroon pa tayo ng iba pang seminar kamana pero pansamanatala, kung may katanungan kayo hinggil sa nilalaman ng Manwal magtext lang sa number na nakalagay dyan.
Ang timbang ng tari kamana ay depende sa desenyo. Sa mga nasubukan natin ang tari ay titimbang ng mula 6 hanggang 10m grams. Ito ay ang traditional fork knife. Mas mabigat ng kaunti ang mga socket knives.
Mabigat ang socket knife ng mga 2 grams ngunit mas magaan naman ang sapin nito kaysa sa traditional na sapin.
Ang design natin sa RB Sugbo ay may 6-8 grams lang ang timbang kung traditional fork knife. Aabot ng 8 – 10 grams kung ito’y adjustable socket knife.





Rey b art646
For nov 20
Kaalaman para kabuhayan
Sir rey thanks nagkaroon ng kasagutan mga text ko sa iyo kung ilang minuto ipakahig ang kinukundisyon na panabong at nasabi mo pa ang mga dapat gawin maliban sa pagpakahig. Malaking tulong ka sa amin mga mahilig sa sabong pero kulang pa ang kaalaman. Keep up the good work sir. (EDL 001165)
Salamat kamana at kahit papaanoy nakatulong tayo. Yan lang naman ang layunin natin ang matotonan ng mga pangkaraniwang sabungero ang alam ng mga big timers, para naman mas kasiyasiya ang pagsasabong natin kahit tayo maliliit.
Ang kaalaman kasi ay maaring magamit natin upang tayo’y makahanap ng mapagkakitaan.
Kung marunong tayong magkundisyon, maaring may big timer na kukuha sa atin bilang handler/conditioner. Kung marunong tayo magpalahi, maari tayong makapag-palabas ng mga manok na mabibili sa mas malaking halaga.
Kung maglalaban tayo, at least, di tayo gaanong lugi kung may sapat tayong kaalaman.
Yan kamana ang layunin ng RB Sugbo ang mamahagi ng kaalaman at kung maari libre, sa mga sabungero na di makakayanan ang bayad sa mga seminars at training.
Isa pa nating layunin ay ang magkakaroon ang mga pangkaraniwang sabungero ng mga di pangkaraniwang mga manok. Sana matugunan ito ng ating gamefowl dispersal program.
Dahil sa Mana at sa pahayagang Tumbok, ay unti-unti natin itong matutupad.
Kung patuloy ang ating pagdami at pagkakaisa, unti-unti tayong mapansin ng mga haligi ng industriya. Kamakailan lang mga kamana ay nagkaroon ng kasunduan pamamagitan natin at ng Pasay Cockpit na may isang pasabong tayo sa naturang sabungan bawat buwan simula Enero
Mga suportang tulad nito ang magpapalago ng Mana at magiging tulay sa pagtupad ng ating layunin. Sana’y suportahan din natin ang proyektong ito. Maghandahanda po tayo.
Kailangan din po natin ang big brother support ng mga malalaking asosasyon ng mga breeders at cockers. Sana’y tulungan din nila tayo, kahit alangalang man lang sa ating komon na layunin na ipaglaban ang sabong.
May isang asosasyon na ang nagpapahiwatig na tutulong sa ating layunin, kasama na ang pangalagaan ang kapakanan ng masang sabungero. Sanay magbunga ang pakipagusap natin sa kanila.
Ang susi po ng lahat ay ang ating patuloy na pagdami at pagkakaisa.
At atabayanan nyo lang po dito sa Tumbok at patuloy nating ipamahagi ang kaalaman para kabuhayan. Ito ang tema ng malapit nang magumpisang programa natin sa sports radyo.

Gud pm Sir Rey, si kamanang Neil po ito. Ask ko lang if okey ba sa manok ang injectable na testosterone ba yon? At saan ito mabibili? ( Neil 001724)
Ang testosterone ay male hormone. Ito ang nakapagdagdag ng pagka-agresibo ng manok. Likas ito na nasa katawan ng manok kaya kung tutuusin ay walang masama dito. Kaya lang baka masobra ang pagbigay natin. At saka may mga testosterone sa merkado na synthetic , hindi natural, at maaring may side effects.
Sa panglaban hindi natin irerekumenda ang paggamit nito. Sa mga pangasta o broodcock okey lang siguro kung matanda na ang broodcock at mahina na sexually.
Pero ang totoo, never ako gumagamit nyan. Dahil takot ako sa side effects, at ayaw natin ang ano mang maaring makasasama sa manok na minamahal natin.
May mabibili sa mga agrivet outlets kamana.

Kamana saan kami makabili ng manwal. Nasa agrivet stores na ba ito? ( GT 002055)
Ang Manwal ng Mana sa Makabagong Pamamaraan sa Pagpili at Pagkundisyon ay wala pa po sa mga agrivet stores. Pero kayong mga taga Metro Manila ay maaring kumuha kina kamanang Dan, 0910-485- 2134; kamanang Marlon, 0929-723-3573; at kamanang Jun Santos, 0921-416-4359.
Ang sa nasa malalayong lugar ay magtext sa 0927-995-4876.

Arguments supporting cockfighting

(From Cockfighting in the Dominican Republic DR1.com)



Supporting cockfighting
There are many arguments that defend the viability and necessity of cockfighting. Among the leading arguments by proponents is that above anything else cockfighting is a cultural phenomenon that must be respected as part of the overall Dominican cultural landscape. Many supporters believe that just as bullfighting is popular in Spain, Colombia or Argentina, cockfighting is a tradition on which many virtues and values are hinged on and thus must be respected, protected and conserved. Supporters will also argue about the historical importance of the rooster, considering that the sport has been around for too long to be abolished. Continued arguments put forward the idea that cockfighting is a money generator which creates and circulates funds for local farmers and businesses. Some say that there are as many as 3,000 galleras in the DR with as many as 24,000 men gaining employment from the sport. Proponents say that cockfighting produces millions of dollars in formal and informal revenues and it would be an economic and financial blow to surrounding communities if the sport were abolished. Finally, among the most enduring arguments is the one that indicates that roosters are by nature, aggressive animals that will inherently fight at the sight of another rooster, and conventional wisdom would then indicate that if they are already doing it, then how and why stop them from doing so?

Cockfighting in Bali is culture, same in RP

Selected portions of
COCKFIGHTING IN BALI
By Fred B. Eiseman, Jr.
Written Especially For Wasantara-Net


So popular has cockfighting been in Bali for so many decades, that it is about as realistic to tell a Balinese man that he cannot participate in his favorite sport as it is to tell the sun not to rise.



RELIGION
Cockfights have one other aspect, the religious, that is not well-appreciated by visitors to Bali. One important characteristic of the Balinese Hindu religion is the making of offerings. This is a complex subject that requires here a broad, sweeping generalization. One important function of offerings is as a means of communications between man and the gods. Higher deities are given offerings that emphasize the beautiful and tasteful side of life - flowers, fruits, leaves, and the like, usually placed in containers of young coconut leaf that are cut to various degrees of intricacy. These offerings are normally placed in elevated shrines or niches, befitting the belief that these deities have physical as well as spiritual elevation.

No less important is a class of spirits that are impish, lustful, impetuous, greedy, unpredictable, and capable of causing harm to those who interfere with them. These lower spirits that live on or near the ground have a variety of names and characteristics. In my village they are called butakala. It is wrong to think of them as being evil spirits. As with all spirits they are ambivalent; their behavior toward man is a function of how they are treated. They are just as capable of helping and protecting their human neighbors as they are of causing sickness, accidents, or the loss of a prized possession. If they are treated with respect, according to well known principles, they can be kept under control, and, indeed, they can be depended upon for protection.

Butakala are more animal-like than the higher spirits and require considerable amounts of food in the form of offerings. Ceremonies that are principally directed toward butakala always require an animal sacrifice, which may range from a small chick to a water buffalo, depending upon the size and importance of the occasion. One of the most important requirements
of butakala is a blood sacrifice that must be poured upon the ground.

This is where cockfights come in. Whenever there is an important Balinese Hindu ceremony, there should be a blood sacrifice made to the local butakala to win their cooperation and support. Such a ceremony might range from a rite of passage, to the anniversary celebration of a temple or shrine, to the purification of an area that is known to be adversely affected by butakala. At such a time a cockfight is legal, and, in fact, a requirement. The local cockfighters come in from the cold, so to speak, and do their thing right out in public - perhaps even inside a public temple. The losing cock contributes his blood to the butakala, and all is well.

Theoretically only three rounds of such a religious cockfight are legally permitted. But, things being as they are, the normal procedure is to retire to the local wantilan and continue, sometimes all day long. The police won't bother such an event since it is held under the guise of religion.


HANDICRAFT INDUSTRY
Cockfighting supports a considerable handicraft industry. The most obvious necessities are the big, beehive-shaped cock baskets woven in a hexagonal pattern from bamboo strips. Every road is lined with rows of these cages, called guungan siap. They are shifted regularly to give the inhabitants thereof the proper balance of light and shade. The idea of placing them near a road is to get the cocks accustomed to noise, people, and activity, so that, when put into action in the arena, they will not be afraid of the spectators and noise and run away. Hanging on the outside of the cage is a half coconut shell from which the
cock is fed his special mixture of food and from which he is watered frequently. There are several villages in Bali in which the chief industry, next to farming, is making cock baskets.

These baskets are too big to be used for carrying a cock to the fight on a motorbike or on foot, so there is a brisk trade in smaller, purse-like, portable baskets with carrying string that can be slung over the shoulder, or with handles that allow them to be carried like a shopping bag.

There are craftsmen who specialize in making the sharp steel spurs, called taji, that are tied on the cock's leg before the fight. In the old days broken automobile springs were the raw material, and the blades were straight and shaped like stilettos. Nowadays many smiths use pieces cut from hard, tough, industrial-size hacksaw blades. There are others whose specialty is sharpening the blades and removing the nicks from previous encounters.




It is difficult to penetrate the shell of many cultures. The adjective inscrutable has been overworked in the case of Asia, but it is apt. Fear of misunderstanding and ridicule, desire to maintain privacy, and unwillingness to risk profanation of the sacred have required some groups to erect formidable barriers that prevent perforation by the casual observer. But, every now and then one finds an opening, a cultural crack through which a glimpse of the interior is possible.

Such cracks often occur in connection with public events that are so popular and are participated in with such vigor and enthusiasm that, for the time being, the protective reserve and dignity and politeness shown to foreigners are forgotten, and the real values and character of the people hang out, so to speak, for everyone to see.

Fighting cocks, cockfighting, and wagering on the fights have been popular obsessions with the Balinese for generations. The tourist who can worm his way into the sweating, jostling, noisy, gesticulating crowd of men and join them, standing around an open arena, watching the proceedings, might wonder if he has stepped into a different country. Are these the graceful, deferential, dignified people whom he has seen in his hotel? Are these the same individuals who carry the offerings to the temples and pray with such lovely and heart-felt fervor? There is no better place than the cockfight to observe Balinese values and behavior. But, the casual observer is likely to focus his attention on the brief cockfight itself. This is understandable. The boisterous crowd itself is a sight to behold. As it suddenly quieted down and the action began, the fast and furious flurries of engagement are punctuated with the ohhhh's, and ahhhh's of the audience. The impressions of color and primeval combat were blurs of color. and suddenly it is over, and the tourist leaves.

But, if that is the only impression, the visitor misses most of the significance. The preliminaries and the post script, the daily treatment of the fighting cocks, the arcane lore of the sport, and especially the intricacies of the betting are as integral a part of the story as the fight itself. And, unfortunately, they are aspects that most people miss because they occur in such a seemingly chaotic fashion as to make them unintelligible to anyone but the person who would take the time and trouble to investigate.