Dito na tayo sa bagong site ng MANA. Please click image below now.

Dito na tayo sa bagong site ng MANA. Please click image below now.
Ganap na sabong site. Forums, kaalaman, balita, at iba pa para sa inyong kasiyahan at kapakanan.

Sunday, September 28, 2008

Araw ng laban


Araw ng laban

Sa araw ng laban mas maige na maaga pa lang ay nasa sabungan na ang mga manok. Kailangan nasa sabungan na sila bago magbukang liwayway. Dapat po kasi hindi pa nakakakain ang manok ay nakarating na ito dahil kung busog baka hindi ito matunawan pag ma-stressed sa biyahe.Mas maige rin na madilim pa i-biyahe ang mga ito upang hindi malikot.
Talagang dapat ito. Lalo’t-lalo na kung malayo ang ating lugar sa sabungan kung saan tayo maglalaban.
Ang pinakamahalagang dahilan kung bakit mas mabuting maaga dumating ang mga manok sa sabungan ay upang doon na sa sabungan sisimulan ang pagpapatuktok. Mahirap na at baka maudlot ang pagpaptuktok kung sa kalagitnaan ng proseso ay ibi-biyahe pa ang manok.
Pagdating sa sabungan huwag agad ilabas sa travelling box. Hayaan muna sa isang tabi ang box upang maka-recover ang manok sa pagkahilo sa biyahe.
Pagkalipas ng ilang sandali ilabas ang manok at ilagay sa limber pens. Obserbahan at pagmasdang maige kung walang problema. Timbangin bago pakainin.
Ang dami po ng pakain ay depende kung anong oras ang laban. Kung sa derby hindi iyo gaanong problema kasi may skedyul na maari nating gawing gabay. Kung hakpayt ang laban di natin malalaman ang oras ng laban kaya magkaiba ang pamamaraan sa pagpapatuktok para sa derby at para sa hakpayt.
Ang pakain natin sa araw na ito ay ang pointing feeds na cracked corn, puti ng itlog at pellets. Ang cracked corn ang magbibigay enerhiya dahil mataas ang bahagdan ng carbohydrates at metabolized energy ng mais.
Ang puti ng itlog naman ay upang magbigay ng moisture. Ang pellets ay pampaalis ng body moisture. Ang dami ng puti ng itlog at pellets ay depende sa body moisture ng manok. Kung basa ang katawan ng manok mas maraming pellets ang ibigay. Kung tuyo, mas maraming puti ng itlog.
Pagkatapos mapakain ipasok na sa kulungan ang manok. Takpan natin ng tela upang maging madilim sa loob at makakapagpahinga ang manok. Huwag itong gawin kung hakpayt ang laban. Iuulot pa kasi natin ang manok at baka sa unang paglabas pa lang nito sa kulungan na madilim ay mag-point na ito habang inuulot pa lang.
Ang biglang liwanag galing sa dilim, ang ingay at panibagong kapaligiran sa ulutan ay maaring makagitla ang manok na magiging sanhi ng stress at adrenaline rush. Sa Manwal ng Mana sa Makabagong Pamamaraan sa Pagpili at Pagkundisyon ipinaliwanag natin itong adrenaline rush at ang koneksiyon nito sa pagpatuktok o pointing ng manok.
Ang konsepto ng stress management at adrenaline rush ay siyang pinakapuso ng pamamaraan natin sa pagpatuktok.
Kung derby okey lang na ipahinga ang manok sa madilim na kulungan dahil alam natin ang tugmang oras ng laban. Kung ganito, ilabas bandang tanghali at ilagay sa limber pen upang makapagbawas. Pagmasdang mabuti ang ipot kung basa o tuyo at gumawa tayo ng adjustment kung kinakailangan.
Tandaan lang natin na pag ginagawa natin ito ingatan na hindi magitla ang manok. Mas maige kung sa loob ng cockhouse lang ito gawin upang kontrolado natin ang sitwasyon. Kung sa labas wala tayong magagawa kung ang katabing cockhouse ay magpapalabas din ng kanilang manok at makikita ito ng manok natin. Ito ay maari ring sanhi na magitla o magalit ang manok.
Dapat ang lahat na gagawin natin sa araw ng laban ay dahandahan at banayad. Iwasan ang pabigla-biglang pag-gagalaw. Sa araw ng laban mahalaga ang pakain, moisture control, pahinga., at stress management.
Isa pang pagkaiba sa derby at hakpayt, sa hakpayt huwag masyadong pagaanin at patuyuin ang katawan ng manok. Mainit sa ulutan. Pati ang kamay ng handler na may hawak-hawak ng manok ay may init din.
Pagdating sa paghanda o pagkundisyon, magkatulad lang kung sa derby o sa hakpayt ilalaban. Sa pagpatuktok na may kaunting pagkakaiba.
Posted by at

Ponkan broodcock

Ponkan broodcock
One of the ponkan broodcocks being readied by RB Sugbo for the incoming breeding season. RB Sugbo is among the gamefowl farms very much involved in the Masang Nagmamanok (MANA) Inc. nationwide gamefowl dispersal program.

Another ponkan

Another ponkan
Another ponkan broodcock in the trio pen.

Mana: Dami at Pagkakaisa

Walang duda napakalaki na ng pinagunlad ng sabong mula sa paging libangan tuwing araw ng Linggo, ito ngayon ay isa nang napakatanyag na isport, malaking industriya at kaakitakit na mapagkakitaan.

Napakarami nang nagpapalahi ng manok panabong. Nagsilabasan ang mga babasahin at programa sa telebisyon ukol sa sabong. Panay ang pa-derby at hakpayt sa buong kapuluan. Samantalang bumabaha sa merkado ang mga produktong pang manok. Sa likod ng lahat ng ito ay ang napakaraming masang sabungero na siyang tunay na gulugod o backbone ng industriya.

Sa bawat nagpapalahi, ilan ang tagapagalaga ng kanyang manok? Sa bawat may-ari ng sabungan, ilan ang naghahanapbuhay sa sabungan niya? Sa bawat kasali sa derby, ilan ang nagbabayad sa pinto upang manood? Sa bawat malaking sabungero, ilan ang mayroon lang iilang pirasong tinale sa kanilang bakuran? Dapat lang, at napapanahon na siguro, na ang masang sabungero ay mapagtuonan ng pansin, mabigyan ng kinatawan, at, marinig ang boses sa isport at industriya ng sabong.

Ito ang nais abutin ng MANA (Masang Nagmamanok), isang pambansang kilusan at samahan ng mga masang sabungero. Ang mga layunin ng MANA ay ang sumusunod:

1. Ang pangalagaan ang kapakanan ng mga maliit na sabungero, partikular na, ang mga naghahanapbuhay sa sabungan. Inaasam na sa darating na panahon, ang mga handlers, mananari, casador, kristos, sentensiyador, farm hands ay magkakaroon ng mga benepisyo tulad ng insurance, pension at iba pa.

2. Ang mapatingkad ang kaalaman ng ordinaryong sabungero sa pagmamanok. At, sila’y mabigyan ng pagkakataon na magkaroon ng angkop na materyales sa pagpapalahi at paglalaban.

3. Ang ipaglaban ang sabong sa gitna ng banta na itoy gawing labag sa batas tulad ng nangyari kamakailan lang sa Estados Unidos, at ipreserba ito bilang isport, hanapbuhay, industriya at bahagi ng ating kultura at tunay na mana.

4. Ang magtulungan at makipagtulungan sa iba pang haligi ng industriya sa ikabubuti ng sabong at ikauunlad ng lahat na mga sabungero.

Inaasahan na matupad ng MANA ang nasabing mga layunin pamamagitan ng pagpakita ng dami at pagkakaisa.

Ang pagkatatag ng MANA ay bunsod ng mungkahi ni kamanang Boying Santiago ng Camarines Sur na lumabas sa pitak na” Llamado Tayo,” na magtayo ng samahan ang mga masang sabungero. Ang pitak na ito, noon, ay arawaraw na lumalabas sa pahayagang Tumbok, na pagaari ng Philippine Daily Inquirer group of publications. (Ngayon mababasa ang Llamado Tayo sa dyaryong Larga Weekly.)

Ang Llamado Tayo ay tumatalakay sa ibatibang aspeto sa pagmamanok at binabasa ng napakarami arawaraw, kaya di nagtagal marami ang sumapi sa MANA.

Kasunod nito, ang MANA ay nakapagpaseminar sa ibatibang lugar at rehiyon ng Pilipinas, sa tulong ng mga kumpaniya tulad ng Excellence Poultry & Livestock Specialist, Bmeg-Derby Ace, Sagupaan, Secret Weapon, at Thunderbird.