Nabuo na ang komite na mamahala sa mga pagkikilos at mga proyekto ng MANA sa NCR at Calabarzon, at itinalaga si kamana Constancio Corpuz ng Rizal bilang chairman. Si kamana Isagani Dominguez ng Cavite ang vice-chairman.
Ang ibang bumubuo ng komitiba ay sina Anthony Mendoza kinatawan ng pasabong sa Pasay; Jun Santos, kinatawan ng dispersal project sa Teresa, Rizal; , Ed Genova ng Taguig, at Mhon Dayao, bilang kinatawan ng national coordinating center ng MANA. Para ganap na mabuo ang 9-man committee may tatlo pang membro ng komitiba na pipiliin ng chairman at vice-chairman.
Si kamana Army Celis ng Quezon ang adviser ng grupo.
Ang komitiba ang siyang mangangasiwa sa pag plano at pamamahala ng mga proyekto ng MANA sa nasabing mga lugar.
Ang komitiba ay binuo kasunod ng pagparehistro ng Masang Nagmamanok (MANA) Inc. sa Securities and Exchange Commission. Naunang nabuo ang mga komitiba sa Visayas at Mindanao. Magbubuo din ng katulad na grupo para sa Bicol, Northern Luzon at iba pang lugar na may mga chapters ang MANA.