Mga pasabong, seminars at chicken fair ang mga inihanda ng MANA Visayas na gaganapin sa huling mga buwan ng taong ito.Ipinagbigay alam ito nina kamana Arturo Mosqueda, chairman ng MANA Visayas at ni kamana Frank Rebusora, member ng Board of Trustees. Ang dalawa ang nakipagugnayan sa lahat ng chapters sa Cebu, Bohol at Samar upang isagawa ang mga balak ng MANA.
Nabuo ang mga balak na ito noong meeting ng MANA at mga kinatawan ng Bmeg na ginanap sa City of Talisay, Cebu noong July 29.Napagkasunduan sa pagpulong na iyon na magtutulungan ang Bmeg at MANA para itaguyod ang kapakanan ng masang sabungero at ang mga adhikain ng MANA sa buong Bansa.
Nandoon din sa pagpupulong na yon si kamana Glen Lim, ang national president ng United Gamecock Breeders Association (UGBA).Ang mga dunalo para sa BMeg ay si Paolo Abenes ng Bmeg Luzon; Apollo Neil Medado ng Bmeg Northern Mindanao; Sublime Altavas Jr., ng Bmeg Western Visayas; Al Caballero ng Bmeg Cebu; at Ms. Amory Sotto, product manager.Sa bahagi naman ng MANA dumalo si kamana Rey Bajenting, national coordinator;kamana Jose Claudio at si kamana Frank Rebusora, representing the Board of Trustees.
Hinikayat din ng MANA coordinating center ang mga coordinating committees sa ibat-ibang lugar na ihanda ang kani-kanilang mga balak at proyekto para sa natirang mga buwan sa taong ito.
May mungkahi din si kamana Glen na magsagawa ang UGBA ng gamefowl fair at bahagi ng kikitain ay ibibigay nila sa MANA bilang pagkilala sa mga mabuting layunin ng MANA para sa mga karaniwang sabungero.